ନୂଆଦିଲ୍ଲୀ: ଅକ୍ସଫୋର୍ଡ କୋଭିଡ ଭ୍ୟାକିସନର ଦ୍ବିତୀୟ ଓ ତୃତୀୟ ପର୍ଯ୍ୟାୟ କୋଭିଡ ପରୀକ୍ଷଣ ପାଇଁ ସେରମ ଇଷ୍ଟିଚ୍ୟୁଟ ଅଫ ଇଣ୍ଡିଆ (SII)କୁ ଅନୁମତି ଦେଲା ଡ୍ରଗ୍ସ କଣ୍ଟ୍ରୋଲର ଜେନେରାଲ ଅଫ ଇଣ୍ଡିଆ । ପୁଙ୍ଖାନୁପୁଙ୍ଖ ମୂଲ୍ୟାଙ୍କନ ପରେ, ବିଷୟ ବିଶେଷଜ୍ଞ କମିଟି (SEC) ସୁପାରିଶ କ୍ରମେ ଡିସିଜିଆଇ ଏସଆଇଆଇକୁ ଅନୁମତି ଦେଇଛି ।
ଚଳିତ ସପ୍ତାହ ଆରମ୍ଭରେ ଏକ ଭିର୍ଚୁଆଲ୍ ମିଟିଂ ଜରିଆରେ SEC ରେ ଏହି ପ୍ରସ୍ତାବ ଦିଆଯାଇଥିଲା । ଅକ୍ସଫୋର୍ଡ ୟୁନିଭର୍ସିଟି ଟ୍ରାଏଲର ପ୍ରଥମ ଓ ଦ୍ବିତୀୟ ପର୍ଯ୍ୟାୟରେ ଟିକାର ତଥ୍ୟକୁ ବିଚାର କରିବା ପରେ ଦେଶରେ ଗୁରୁତର ରୋଗୀଙ୍କ ଠାରେ କୋରୋନା ଟିକାକୁ ଦ୍ବିତୀୟ ଓ ତୃତୀୟ ପର୍ଯ୍ୟାୟରେ ପରୀକ୍ଷଣ ପାଇଁ ଅନୁମତି ମିଳିଛି ।
ଅଧ୍ୟୟନ ମୁତାବକ, ରୋଗୀଙ୍କ ଠାରେ 2ଟି ଡୋଜକୁ 4 ସପ୍ତାହ ବ୍ୟବଧାନରେ ଦିଆଯିବ (ପ୍ରଥମ ଦିନରେ ପ୍ରଥମ ଡୋଜ୍ ଏବଂ ଦ୍ୱିତୀୟ ଟି 29 ଦିନରେ) ଯାହା ପରେ ପୂର୍ବ ନିର୍ଦ୍ଧାରିତ ସମୟ ମଧ୍ୟରେ ନିରାପତ୍ତା ଏବଂ ପ୍ରତିରୋପଣର ମୂଲ୍ୟାଙ୍କନ କରାଯିବ ବୋଲି ଅଧିକାରୀ କହିଛନ୍ତି। ଅଧିକାରୀଙ୍କ କହିବାନୁସାରେ, ଫାର୍ମା ଫାର୍ମକୁ କ୍ଲିନିକାଲ୍ ଟ୍ରାଏଲର ପର୍ଯ୍ୟାୟ -3 ଅଗ୍ରଗତି କରିବା ପୂର୍ବରୁ ସେଣ୍ଟ୍ରାଲ୍ ଡ୍ରଗ୍ସ ଷ୍ଟାଣ୍ଡାର୍ଡ କଣ୍ଟ୍ରୋଲ୍ ଅର୍ଗାନାଇଜେସନ୍ (ସିଡିଏସକୋ) ଦ୍ୱାରା ନିରାପତ୍ତା ସୁରକ୍ଷା ତଥ୍ୟ ଦାଖଲ କରିବାକୁ ପଡିବ।
ଗତ ସପ୍ତାହରେ ଘରୋଇ ଫାର୍ମା ଜିଆଣ୍ଟ ଭାରତରେ କୋରୋନା ଭାଇରସ୍ ଟିକା (ChAdOxlnCoV- 19) ର ପର୍ଯ୍ୟାୟ 2, 3 କ୍ଲିନିକାଲ୍ ପରୀକ୍ଷା କରିବାକୁ DCGI ରେ ଆବେଦନ କରିଥିଲା । ଅକ୍ସଫୋର୍ଡ ୟୁନିଭରସିଟି / ଆଷ୍ଟ୍ରାଜେନେକା ସହିତ ବୈଷୟିକ ସହଯୋଗରେ ଭାରତର ପୁଣେ ସ୍ଥିତ ସେରମ ଇନଷ୍ଟିଚ୍ୟୁଟରେ ଦ୍ୱାରା ପ୍ରସ୍ତୁତ କରାଯାଇଛି । ଏହି ଟିକାକୁ COVISHIELD (SII-ChAdOx1 nCoV-19) କୁହାଯାଏ ।
