ଲକ୍ଷ୍ନୌ: ସମଗ୍ର ଦେଶରେ ଆତଙ୍କ ଖେଳାଇଛି କୋରୋନା ଭାଇରସ । ଏହି କ୍ରମରେ ଉତ୍ତରପ୍ରଦେଶର ଗୌତମବୁଦ୍ଧ ନଗରରେ କୋରୋନା ଆତଙ୍କ ବୃଦ୍ଧି ପାଇବାରେ ଲାଗିଛି । ଏଭଳି ପରିସ୍ଥିତିକୁ ଦୃଷ୍ଟିରେ ରଖି ପ୍ରଶାସନ ଏପ୍ରିଲ 30 ଯାଏଁ 144 ଧାରା ଲାଗୁ କରିଛନ୍ତି ।
ଉତ୍ତରପ୍ରଦେଶରେ କୋରୋନା ଆକ୍ରାନ୍ତଙ୍କ ସଂଖ୍ୟା 253 ଥିବାବେଳେ କେବେଳ ଗୌତମବୁଦ୍ଧ ନଗରରେ ଆକ୍ରାନ୍ତଙ୍କ ସଂଖ୍ୟା 50 ପାର କରିଛି । ତେଣୁ ଏଭଳି ସ୍ଥିତିକୁ ଦୃଷ୍ଟିରେ ରଖି ପ୍ରଶାସନ ଏଭଳି ନିଷ୍ପତ୍ତି ନେଇଥିବା ସୂଚନା ଦେଇଛନ୍ତି ।
ପ୍ରକାଶ ଥାଉକି, ଭାରତରେ ବର୍ତ୍ତମାନ ସୁଦ୍ଧା 3030 କୋରୋନା ଆକ୍ରାନ୍ତ ରହିଛନ୍ତି । ଏହାଛଡା କୋରୋନା କାରଣରୁ ଏପର୍ଯ୍ୟନ୍ତ ମୋଟ 77 ଜଣ ପ୍ରାଣ ହରାଇଛନ୍ତି। ଏଥିସହ 266 ଜଣ ସୁସ୍ଥ ଥିବା ଜଣାପଡିଛି ।
