ଶ୍ରୀନଗର: ଜମ୍ମୁ ଓ କାଶ୍ମୀରର ପୂର୍ବତନ ମନ୍ତ୍ରୀ ତଥା ଭାରତୀୟ ଜନତା ପାର୍ଟି ନେତା ଅବଦୁଲ ଘାନି କୋହଲିଙ୍କୁ ସୁପ୍ରିମକୋର୍ଟରୁ ଝଟକା । ଜଙ୍ଗଲଜମି ଜବରଦଖଲ ମାମଲାରେ ଅବଦୁଲ ଘାନିଙ୍କ ଯାଚିକାକୁ ଖାରଜ କରିଦେଇଛନ୍ତି ସୁପ୍ରିମକୋର୍ଟ । ଜମ୍ମୁ ଓ କାଶ୍ମୀର ହାଇକୋର୍ଟଙ୍କ ଆଦେଶକୁ ଚ୍ୟାଲେଞ୍ଜ କରି ସୁପ୍ରିମକୋର୍ଟରେ ଯାଚିକା ଦାଖଲ କରିଥିଲେ ଘାନି ।
ଜଷ୍ଟିସ ୟୁୟୁ ଲଲିତ ଏବଂ ଜଷ୍ଟିସ ଅନିରୁଦ୍ଧ ବୋଷଙ୍କୁ ନେଇ ଗଠିତ ସୁପ୍ରିମକୋର୍ଟର ବେଞ୍ଚ ଜାମ୍ମୁ କାଶ୍ମୀରର ପୂର୍ବତନ ମନ୍ତ୍ରୀ ଅବଦୁଲ ଘାନି କୋହଲିଙ୍କ ଆବେଦନକୁ ଖାରଜ କରିଛନ୍ତି । କୋହଲିଙ୍କ ଜମ୍ମୁର ସୁନାୱାନର ନୋବାବାଦ ଗ୍ରାମରେ ଥିବା କୋହଲିଙ୍କ ଜଙ୍ଗଲ ଜମିରେ ତାଙ୍କ ପରିବାର ଦ୍ବାରା ପରିଚାଳିତ ଶିକ୍ଷାନୁଷ୍ଠାନଗୁଡ଼ିକର ଯାଞ୍ଚ ପାଇଁ ନିର୍ଦ୍ଦେଶ ଜମ୍ମୁ ଓ କାଶ୍ମୀରର ହାଇକୋର୍ଟ ନିର୍ଦ୍ଦେଶ ଦେଇଥିଲେ । ଏହି ମାମଲା ହାଇକୋର୍ଟରେ ରହିଛି । ତେଣୁ କୋହଲିଙ୍କ ଏହି ଆବେଦନକୁ ଗ୍ରହଣ କରିବାକୁ ମନା କରିଦେଇଛନ୍ତି ସୁପ୍ରିମକୋର୍ଟ ।
ବ୍ୟୁରୋ ରିପୋର୍ଟ, ଇଟିଭି ଭାରତ
