ନୂଆଦିଲ୍ଲୀ: ମୋଦି ସରକାର ଚୀନ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ଆରମ୍ଭ କରିଛନ୍ତି । ଏହି ପର୍ଯ୍ୟାୟରେ ପ୍ରଥମେ ଚୀନର 59ଟି ଆପକୁ ବ୍ୟାନ କରାଯାଇଛି । ଏହାକୁ ନେଇ ସରକାରଙ୍କୁ ପ୍ରଶଂସା କରିଛନ୍ତି ସମ୍ବିତ ପାତ୍ର । ମାତ୍ର ତାଙ୍କୁ ଟ୍ରୋଲର ଶିକାର ହେବାକୁ ପଡିଛି ।
ସମ୍ବିତ ପାତ୍ର ମୋଦି ସରକାରଙ୍କୁ ନେଇ ଟ୍ବିଟ୍ କରିଛନ୍ତି, ‘56 ..... 59’ । ଏଥିରୁ ସ୍ପଷ୍ଟ ଯେ ସରକାରଙ୍କ 56 ଇଞ୍ଚର ଛାତି 59 ଟି ଚାଇନିଜ୍ ଆପ ଉପରେ ପ୍ରତିବନ୍ଧକ ଲଗାଇଛି । ଏନେଇ ଏହି ଟ୍ବିଟରେ ଅନେକ ମନ୍ତବ୍ୟ ଆସିବାକୁ ଲାଗିଥିବା ବେଳେ କିଛି ୟୁଜର୍ସ ତାଙ୍କୁ ଟ୍ରୋଲ୍ ମଧ୍ୟ କରିଛନ୍ତି ।
ଜଣେ ୟୁଜର୍ ଲେଖିଛନ୍ତି, 20 ଯବାନ ଓ 59 ଆପ୍, ମୋଦିଜୀ ଏହା କେଉଁ ପ୍ରକାର ପ୍ରରିଶୋଧ । ଆଉ ଜଣେ ୟୁଜର୍ ଲେଖିଛନ୍ତି, 20 ଯବାନଙ୍କ ତ୍ୟାଗ ପ୍ରତିବଦଳରେ 59 ଆପ୍ । କଣ ଏହା ହିଁ ଆମ ଯବାନଙ୍କ ଜୀବନର ମୂଲ୍ୟ ।
ସରକାର ସୋମବାର ଚାଇନାର ଆପ୍ ଉପରେ ପ୍ରତିବନ୍ଧକ ଲଗାଇ କହିଛନ୍ତି ଯେ ଏହି ଆପ ଗୁଡିକ ଦେଶର ସାର୍ବଭୌମତ୍ବ, ଅଖଣ୍ଡତା ଓ ଜାତୀୟ ସୁରକ୍ଷା ପାଇଁ କ୍ଷତିକାରକ । ସୋମବାର ପ୍ରକାଶିତ ଏକ ସରକାରୀ ବୟାନରେ ଆଇଟି ମନ୍ତ୍ରଣାଳୟ କହିଛି ଯେ ଆଣ୍ଡ୍ରୋଏଡ୍ ଓ ଆଇଓଏସ୍ ପ୍ଲାଟଫର୍ମରେ ଉପଲବ୍ଧ କିଛି ମୋବାଇଲ୍ ଆପର ଅପବ୍ୟବହାର ସମ୍ପର୍କରେ ଅନେକ ରିପୋର୍ଟ ଓ ଅଭିଯୋଗ ଆସିଛି।
