ନୂଆଦିଲ୍ଲୀ: ଅନେକ ସମୟରେ ମଣିଷ ଓ ପଶୁ ଭିତରେ ନିବିଡ ବନ୍ଧୁତା ନଜିର ଆସିଛି । ଯାହା ସମାଜରେ ବଞ୍ଚିରହିଥିବା ମଣିଷ ପଣିଆକୁ ମନ ଭିତରେ ଜାଗ୍ରତ କରିଦିଏ । ଗତ କିଛିଦିନ ତଳେ ଏକ କୁକୁରକୁ ପାଣିରୁ ଉଦ୍ଧାର କରି ତିମି ଜାହାଜରେ ଛାଡିବା ଘଟଣା ସୋସିଆଲ ମିଡିଆରେ ଭାଇରାଲ ହୋଇଥିଲା । ବର୍ତ୍ତମାନ ରଷିଆରେ ସେହିପରି ଏକ ହୃଦୟସ୍ପର୍ଶୀ ଘଟଣା ସାମ୍ନାକୁ ଆସିଛି ।
ଆଜିର ସମାଜରେ ମଣିଷ ପାଖରୁ ମାନବିକତା ହଜିଯାଇଥିବା ବେଳେ ତାହା ପ୍ରତିଫଳିତ ହୋଇଛି ସାମୁଦ୍ରିକ ଜୀବ ତିମି କ୍ଷେତ୍ରରେ । ତିମିର ଏହି ମାନବିକତା କଏଦ ହୋଇଛି କ୍ୟାମେରା ଲେନ୍ସରେ।
ଘଟଣା ଅନୁସାରେ ନରୱେରୁ ନିଜ ବନ୍ଧୁମାନଙ୍କ ସହ ଛୁଟି କଟିବାକୁ ଆସିଥିବା ଓପଡାହଲ ଅସାବଧାନତାବଶତଃ ସମୁଦ୍ର ମଝିରେ ନିଜର ଆଇଫୋନଟିକୁ ହଜେଇ ଦେଇଥିଲା । ହେଲେ ସଠିକ୍ ସମୟରେ ଏକ ତିମି ପାଣି ଭିତରୁ ଏହି ଫୋନଟିକୁ ବାହାର କରିବା ସହ ପାଟିରେ ଆଣି ଫେରାଇ ଦେଇଥିଲା ।
ଏହାପରେ ଓପଡାହଲ ଫୋନଟିକୁ ତିମି ପାଟିରୁ ନେଇଥିଲେ । ମିଳିଥିବା ସୂଚନା ଅନୁସାରେ ଉକ୍ତ ତିମିଟି ରୁଷିଆର ମିଲିଟାରୀ ସଂସ୍ଥା ଦ୍ବାରା ତାଲିମ ପ୍ରାପ୍ତ ।
