ଅମରାବତୀ: ପଦ ଯାତ୍ରା କରି ଆପଣ କେତେ ଦୂର ଅତିକ୍ରମ କରିପାରିବେ । ଏକ କିଲୋମିଟର, ଦୁଇ କିଲୋମିଟର ଅଧିକରୁ ଅଧିକ ହେଲେ 5 କିମି ପର୍ଯ୍ୟନ୍ତ । କିନ୍ତୁ ହଜାର ହଜାର କିମି ରାସ୍ତା ଚାଲିଚାଲି ଅତିକ୍ରମ କରିବା ସମ୍ପର୍କରେ ଆପଣ ଭାବି ମଧ୍ୟ ପାରିବେ ନାହିଁ । ହେଲେ ଇଂଲଣ୍ଡ ମଞ୍ଚେଷ୍ଟରର ରଦର ନାମକ ଜଣେ ବ୍ୟକ୍ତି ପଦଯାତ୍ରା କରି ଭାରତ ଭ୍ରମଣ କରୁଛନ୍ତି ।
ଭିଡିଓ ସୌଜନ୍ୟ: ଇଟିଭି ଭାରତ
ରଦର ଗୋଆରେ କାର୍ଯ୍ୟ କରନ୍ତି । ସେ ଭାରତର ପଶ୍ଚିମରୁ ପୂର୍ବତଟ ପର୍ଯ୍ୟନ୍ତ ପଦଯାତ୍ରା କରି ଭ୍ରମଣ କରୁଛନ୍ତି । ଏହି କ୍ରମରେ ସେ ଆଜି ଆନ୍ଧ୍ର ପ୍ରଦେଶର କୁରନୁଲରେ ପହଞ୍ଚିଛନ୍ତି । ଏଠାରେ ସେ ନିଜ ଯାତ୍ରା ସମ୍ପର୍କରେ ଆମ ଇଟିଭି ଭାରତ ପ୍ରତିନିଧିଙ୍କ ସହ ଆଲୋଚନା କରିଛନ୍ତି । ସେ କହିଛନ୍ତି, ମୋତେ ଦୁଃସାହସିକ ଯାତ୍ରା କରିବା ଖୁବ ଭଲ ଲାଗେ । ଏହା ବ୍ୟତୀତ ମୁଁ ଭାରତର କଳା ଏବଂ ସଂସ୍କୃତି ସମ୍ପର୍କରେ ଭଲ ଭାବରେ ଜାଣିବାକୁ ଚାହୁଁଛି । ତେଣୁ ମୁଁ ପଦଯାତ୍ରା କରି ଭାରତ ଭ୍ରମଣ କରୁଛି ।'
