ନୂଆଦିଲ୍ଲୀ: ମୋଦି ସରକାରଙ୍କ ଦ୍ବିତୀୟ ପାଳିରେ ସୂଚନା ଅଧିକାର ନିୟମରେ ପରିବର୍ତ୍ତନ ଆସିବ । ଏଥିପାଇଁ ଉଭୟ ଲୋକସଭା ଓ ରାଜ୍ୟସଭାରେ ବିଲ ଆଗତ ହୋଇସାରିଛି । ତେବେ ଏହି ବିଲକୁ ବିରୋଧି ଘୋର ବିରୋଧ କରି ଆସୁଛନ୍ତି । ତେବେ ଏହି ପରିପ୍ରେକ୍ଷୀରେ ବିଶିଷ୍ଟ ସାମାଜିକ କର୍ମୀ ଅଞ୍ଜଳି ଭରଦ୍ବାଜ ଇଟିଭି ଭାରତକୁ ସ୍ବତନ୍ତ୍ର ସାକ୍ଷାତକାର ଦେଇଛନ୍ତି ।
ବିଲ ଉଭଯ ଗୃହରେ ଆଗତ ହୋଇ ଏବେ ରାଷ୍ଟ୍ରପତିଙ୍କ ନିକଟରେ ରହିଛି । ତେବେ ରାଷ୍ଟ୍ରପତିଙ୍କ ମୋହର ପରେ ସୂଚନା ଅଧିକାର ଆଇନରେ ପରିବର୍ତ୍ତନ ଆସିଯିବ । ତେବେ ଏହି ସମୟରେ ନିୟମରେ ପରିବର୍ତ୍ତନ ଆଣିବା ସାଧାରଣ ନାଗରିକ ପାଇଁ କଣ ମହତ୍ତ୍ବ ରଖେ, ଆଇନରେ କେତେ ପରିମାଣରେ ପରିବର୍ତ୍ତନ ଆସିବ ଏଭଳି କିଛି ପ୍ରମୁଖ ପ୍ରଶ୍ନର ଉତ୍ତର ରଖିଛନ୍ତି ଅଞ୍ଜଳି ଭରଦ୍ବାଜ ।
ସମସ୍ତଙ୍କ ଭଳି ଅଞ୍ଜଳି ଭରଦ୍ବାଜ ମଧ୍ୟ ଏହି ପରିବର୍ତ୍ତନକୁ ଘୋର ବିରୋଧ କରିଆସୁଛନ୍ତି । ତାଙ୍କ କହିବାନୁଯାୟୀ ନିଯୁକ୍ତି ପାଇଥିବା ବ୍ୟକ୍ତିବିଶେଷଙ୍କ ଦରମା, ଚାକିରିକାଳର ସମୟସୀମାକୁ ପରିବର୍ତ୍ତନ କରିବାକୁ ଚାହୁଁଛନ୍ତି । ଫଳରେ ଲୋକଙ୍କ ସୂଚନା ଅଧିକାରକୁ ପ୍ରଭାବିତ କରିବାକୁ ଚାହୁଁଛନ୍ତି ବୋଲି ସେ କହିଛନ୍ତି । ଲୋକ ଚାହୁଁଥିବା ସୂଚନା ସେମାନଙ୍କୁ ସଠିକ ଭାବେ ମିଳିପାରିବ ନାହିଁ । ଏଭଳି କିଛି ହୋଇପାରେ କି ଲୋକମାନଙ୍କୁ ସରକାର ଯେତିକି ଚାହିଁବେ ସେତିକି ହିଁ ସୂଚନା ଲୋକମାନଙ୍କୁ ମିଳିବ ବୋଲି ଅଞ୍ଜଳି କହିଛନ୍ତି ।
