ହାଇଦ୍ରାବାଦ: କଷ୍ଟମ ବିଭାଗକୁ ସଫଳତା। ତେଲେଙ୍ଗାନାର ଶାମସାବାଦ ରାଜୀବ ଗାନ୍ଧୀ ଅନ୍ତର୍ଜାତୀୟ ବିମାନ ବନ୍ଦରରୁ 54ଲକ୍ଷ ଟଙ୍କାର ବିଦେଶୀ ମୁଦ୍ରା ଜବତ କରିଛି କଷ୍ଟମ ବିଭାଗ ।
ସୂଚନାଅନୁସାରେ, ଆଜି ସକାଳୁ ଦୁଇ ଜଣ ଯାତ୍ରୀ ରାଜୀବ ଗାନ୍ଧୀ ବିମାନ ବନ୍ଦରରୁ ଦୁବାଇ ଅଭିମୁଖେ ଯାତ୍ରା କରୁଥିଲେ । ସେମାନଙ୍କୁ ଯାଞ୍ଚ କରାଯିବା ସମୟରେ ତାଙ୍କଠାରୁ 54ଲକ୍ଷ ଟଙ୍କାର ବିଦେଶୀ ମୁଦ୍ରା ଜବତ କରିଛି କଷ୍ଟମ ବିଭାଗ ।
ଦୁଇଜଣ ଯାତ୍ରୀ ଏକ ସୁନେଲି ରଙ୍ଗର ଖୋଲରେ ମୁଦ୍ରାକୁ ପ୍ୟାକ କରିଥିବା କହିଛନ୍ତି କଷ୍ଟମ ଡେପୁଟି କମିଶନର ସିଭକ୍ରିଷ୍ଣା । ପ୍ୟାକେଟକୁ ଦେଖି ସେମାନଙ୍କ ସନ୍ଦେହ ହୋଇଥିଲା । ଏହା ପରେ ତାଙ୍କୁ ଯାଞ୍ଚ କରାଯାଇଥିଲା। ଜବତ ହୋଇଥିବା ବିଦେଶୀ ମୁଦ୍ରାର ମୂଲ୍ୟ ପ୍ରାୟ 54ଲକ୍ଷ ଟଙ୍କା ହେବ ବୋଲି କହିଛି କଷ୍ଟମ ବିଭାଗ ।
ଘଟଣାରେ ଦୁଇ ଯାତ୍ରୀଙ୍କୁ ଗିରଫ କରାଯାଇ ସେମାନଙ୍କ ନାମରେ ମାମଲା ରୁଜ୍ଜୁ ହୋଇଛି । ତେବେ ବେଆଇନ ସୁନା,ବିଦେଶୀ ମୁଦ୍ରା ଚାଲାଣ ଏକ ଅପରାଧ ହୋଇଥିଲେ ମଧ୍ୟ ବମାନବନ୍ଦରରେ ଏହି ଚାଲାଣ ଦିନକୁ ଦିନ ବଢିବାରେ ଲାଗିଛି । ଯାହା ପୋଲିସର ଚିନ୍ତାର କାରଣ ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
