ନୂଆଦିଲ୍ଲୀ: ୟୁପିଏ ଅଧ୍ୟକ୍ଷା ସୋନିଆ ଗାନ୍ଧୀଙ୍କ ଜ୍ବାଇଁ ରବର୍ଟ ଭଦ୍ରାଙ୍କୁ ମିଳିଲା ବିଦେଶ ଯିବାର ଅନୁମତି । ଦିଲ୍ଲୀର ଏକ କୋର୍ଟ ଶୁକ୍ରବାର ତାଙ୍କୁ ଏହି ଅନୁମତି ପ୍ରଦାନ କରିଛନ୍ତି । ସେପ୍ଟେମ୍ବର 21 ରୁ ଅକ୍ଟୋବର 8 ପର୍ଯ୍ୟନ୍ତ ସେ ସ୍ପେନ ଯାତ୍ରା କରିପାରିବେ ବୋଲି କୋର୍ଟ କହିଛନ୍ତି । ରବର୍ଟ ଭଦ୍ରା ବ୍ୟବସାୟ ସମ୍ବନ୍ଧରେ ସ୍ପେନ ଯିବା ପାଇଁ ଦିଲ୍ଲୀ କୋର୍ଟରେ ଆବେଦନ କରିଥିଲେ ।
ବେଆଇନ ସମ୍ପତ୍ତି ଠୁଳ ଅଭିଯୋଗରେ ଭଦ୍ରାଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ ଜେରା କରୁଛି । ତେଣୁ ତାଙ୍କର ସ୍ପେନ ଏବଂ ଅନ୍ୟ ୟୁରୋପୀୟ ଦେଶ ଯାତ୍ରା ଉପରେ କଟକଣା ଲଗାଇଥିଲା । ଏହା ଦ୍ବାରା ତଦନ୍ତରେ ପ୍ରଭାବ ପଡିବ ବୋଲି ଇଡି ପକ୍ଷରୁ କୁହାଯାଇଥିଲା ।
