ପଶ୍ଚିମବଙ୍ଗ: ବର୍ତ୍ତମାନ ଦେଶରେ ମହାମାରୀ କୋରୋନା ହୁ ହୁ ହୋଇ ମାଡି ଚାଲିଥିବା ବେଳେ ବିଭିନ୍ନ ରାଜ୍ୟକୁ ଭୂକମ୍ପର ଝଟକା ଲାଗୁଛି । ତେବେ ଶନିବାର ପଶ୍ଚିମବଙ୍ଗର ଦୁର୍ଗାପୁରରେ ଯେଉଁ ଘଟଣା ଘଟିଛି ତାହା ସମସ୍ତଙ୍କୁ ଆହୁରି ଭୟଭୀତ କରିଦେବ ।
ସବୁ କିଛି ଠିକ୍ ଥିଲା, ଲୋକମାନେ କିଏ ଘରେ ଥିଲେ ତ ଆଉ କିଏ ବାହାରେ ବୁଲୁଥିଲେ । ହଠାତ୍ ରାସ୍ତାରେ ଫାଟ ସୃଷ୍ଟି ହେବା ସହ ବଡ ବଡ ଗର୍ତ୍ତ ଦେଖା ଯାଇଥିଲା । ଯାହାକୁ ନେଇ ସ୍ଥାନୀୟ ଅଞ୍ଚଳରେ କୋକୁଆ ଭୟ ସୃଷ୍ଟି ହୋଇଛି ।
ରାସ୍ତାରେ ଏପରି ଅଚାନକ ଫାଟ ସୃଷ୍ଟିରେ 5ରୁ ଊର୍ଦ୍ଧ୍ବ ଘର ମାଟିରେ ପୋତି ହୋଇଯାଇଛି ଓ ଜଣେ ମହିଳା ପ୍ରାଣ ହରାଇଛନ୍ତି । ଘଟଣାରେ ଗୁରୁତର ଓ ଆହତଙ୍କ ବିଷୟରେ କୌଣସି ସୂଚନା ନାହିଁ।
ଖବର ପାଇ ପୋଲିସ ଓ ଅଗ୍ନିଶମ ବାହିନୀ ଘଟଣାସ୍ଥଳରେ ପହଁଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି । ଏବେ ସୁଦ୍ଧା ସର୍ଚ୍ଚ ଅପରେସନ ଜାରି ରହିଥିବା ବେଳେ ଅନେକ ଲୋକ ମାଟି ଭିତରେ ଫସି ରହିଥିବା କୁହାଯାଉଛି ।
