ପାଟନା: ଆରଜେଡି ରାଷ୍ଟ୍ରୀୟ କାର୍ଯ୍ୟକାରିଣୀ ବୈଠକରେ ତେଜସ୍ବୀ ଯାଦବଙ୍କୁ 2020 ବିହାର ବିଧାନସଭା ନିର୍ବାଚନରେ ମୁଖ୍ୟମନ୍ତ୍ରୀ ପ୍ରାର୍ଥୀ ଭାବେ ଘୋଷଣା କରାଯାଇଛି ।
ନିଜର ପୂର୍ବ ଭୁଲ ଗୁଡିକରୁ ଶିକ୍ଷା ଲାଭ କରି ଆଗକୁ ବଢିବା ନେଇ ତେଜସ୍ବୀ ବୈଠକରେ କହିଛନ୍ତି । କାର୍ଯ୍ୟକାରିଣୀ ବୈଠକରେ ଲାଲୁ ପ୍ରସାଦ ଯାଦବଙ୍କ ପୁରା ପରିବାର ଗୋଚିଏ ମଞ୍ଚରେ ନଜର ଆସିଥିଲେ । ପୂର୍ବ ମୁଖ୍ୟମନ୍ତ୍ରୀ ରାବଡୀ ଦେବୀ ଓ ଝିଅ ମୀସା ଭାରତୀ ମଞ୍ଚରେ ଉପସ୍ଥିତ ଥିଲେ ମଧ୍ୟ ତେଜସ୍ବୀଙ୍କୁ ନେଇ କୌଣସି ପ୍ରତିକ୍ରିୟା ଦେବାକୁ ମନା କରିଦେଇଥିଲେ ।
ଲାଲୁ ପ୍ରସାଦ ଯାଦବଙ୍କ ଅନୁପସ୍ଥିତିରେ ତେଜସ୍ବୀ ହିଁ ପାର୍ଟିର ନେତା ବୋଲି ଆରଜେଡି ନେତା ଜୟ ପ୍ରକାଶ ଯାଦବ କହିଛନ୍ତି । 2020 ବିଧାନସଭା ନିର୍ବାଚନରେ ତେଜସ୍ବୀ ମୁଖ୍ୟମନ୍ତ୍ରୀ ପ୍ରାର୍ଥୀ ହେବାକୁ ଥିବାବେଳେ ତାଙ୍କ ନେତୃତ୍ବରେ ନିର୍ବାଚନ ଲଢାଯିବା ନେଇ ଜୟ ପ୍ରକାଶ କହିଛନ୍ତି ।
