ଡେରାଡୁନ : ଲୋକସଭା ସଚିବ ଭାବେ ନିଯୁକ୍ତ ହେଲେ ଅବସର ପ୍ରାପ୍ତ ଆଇଏଏସ ଅଫିସର ଉତ୍ପଳ ସିଂ । ଲୋକସଭା ବାଚସ୍ପତି ଓମ ବିର୍ଲା ତାଙ୍କୁ ନିଯୁକ୍ତ କରିଛନ୍ତି । ସେପ୍ଟେମ୍ବର 1 ରୁ କାର୍ଯ୍ୟର ଦାୟିତ୍ବ ନେବେ । ଲୋକସଭା ସଚିବାଳୟ ପକ୍ଷରୁ ଜାରି କରାଯାଇଥିବା ଏକ ବିଜ୍ଞପ୍ତିରେ କୁହାଯାଇଛି ଯେ ତାଙ୍କ ନିଯୁକ୍ତିର ବିସ୍ତୃତ ସର୍ତ୍ତାବଳୀ ପରେ ପ୍ରଦାନ କରାଯିବ।
ଶୁକ୍ରବାର ପ୍ରକାଶିତ ସରକାରୀ ବିଜ୍ଞପ୍ତିରେ, “ ସେପ୍ଟେମ୍ବର 17, 2020 ଠାରୁ ପେ ମାଟ୍ରିକ୍ସ ଲେବଲ୍ 17 ରେ ଚୁକ୍ତିଭିତ୍ତିକ ଭିତ୍ତିରେ ସେକ୍ରେଟାରୀ ଭାବେ ଉତ୍ପଳ କୁମାର ସିଂ, ଆଇଏଏସ (ଅବସରପ୍ରାପ୍ତ) ଭାବେ ନିଯୁକ୍ତି ପାଇଛନ୍ତି । ଏହାକୁ ନେଇ ବାଚସ୍ପତି ଆନନ୍ଦିତ ଥିବା ଜଣାପଡିଛି ।
ଉତ୍ପଳ ସିଂ ଝାଖଣ୍ଡର ଜାମୁଇର ମୂଳ ବାସିନ୍ଦା । 1986 ବ୍ୟାଚ୍ ର IAS ଅଧିକାରୀ ପୂର୍ବରୁ ସେ ଉତ୍ତରପ୍ରଦେଶର ମୁଖ୍ୟ ସଚିବ ଥିଲେ। ସେ ଚଳିତ ବର୍ଷ ଜୁଲାଇ 31 ରେ ଉତ୍ତରାଖଣ୍ଡର ମୁଖ୍ୟ ସଚିବ ପଦରୁ ଅବସର ନେଇଥିଲେ।
ବ୍ୟୁରୋ ରିପୋର୍ଟ, ଇଟିଭି ଭାରତ
