ନୂଆଦିଲ୍ଲୀ: 'ରାଫେଲ'କୁ ନେଇ ଝଡ ସୃଷ୍ଟି କରିଥିବା କଂଗ୍ରେସ କାର୍ଯ୍ୟାଳୟ ସମ୍ମୁଖରେ ନିୟୋଜିତ ହୋଇଛି 'ରାଫେଲ' ପ୍ରତିକୃତି । ମୋଦିଙ୍କୁ ଟାର୍ଗେଟ କରିବାକୁ ଯାଇ ଯେଉଁ 'ରାଫେଲ'କୁ ଅସ୍ତ୍ର କରିଥିଲା କଂଗ୍ରେସ ଏବେ ତାର ପ୍ରତିକୃତି କାର୍ଯ୍ୟାଳୟ ସମ୍ମୁଖରେ ଦେଖିବାକୁ ମିଳିଛି ।
ଦିଲ୍ଲୀ 24, ଆକବର ରୋଡ ସ୍ଥିତ ବାୟୁସେନା ପ୍ରମୁଖ ବିଏସ ଧନୋଓ କାର୍ଯ୍ୟାଳୟରେ ରାଫେଲ ପ୍ରତିକୃତି ସ୍ଥାପନା ହୋଇଥିବା ବେଳେ ଏହାର ଠିକ ସାମ୍ନାରେ ରହିଛି କଂଗ୍ରେସର କାର୍ଯ୍ୟାଳୟ । ଯାହା ଦିଲ୍ଲୀବାସୀଙ୍କ ପାଇଁ ଏକ ଆକର୍ଷଣୀୟ ସ୍ଥାନ ପାଲଟିଛି ।
ସୂଚନାଯୋଗ୍ୟ, କିଛି ଦିନ ପୂର୍ବରୁ ବିଏସ ଧନୋଆର ଅନୁଗାଇ ଭାରତୀୟ ବାୟୁସେନା ମିଗ-21 ବିମାନର ସ୍କ୍ବାର୍ଡନ ମାଧ୍ୟମରେ ଶ୍ରଦ୍ଧାଞ୍ଜଳି ଦିଆଯାଇଥିଲା । ଏହି ସମୟରେ ଖୁବ ଶୀଘ୍ର 'ରାଫେଲ' ଭାରତକୁ ଆସିବ ବୋଲି ଭାରତୀୟ ବାୟୁସେନା ପକ୍ଷରୁ ସୂଚନା ଦିଆଯାଇଥିଲା । ତେବେ ରାଫେଲ ଭାରତକୁ ଆସିବା ପୂର୍ବରୁ ତାର ପ୍ରତିକୃତି ସ୍ଥାପନା କରାଯାଇଥିବାର ଦେଖିବାକୁ ମିଳିଛି ।
