ମହାରାଷ୍ଟ୍ର: ବର୍ଷାରେ ବେହାଲ ମହାରାଷ୍ଟ୍ର । ଶୁକ୍ରବାର ଠାରୁ ମହାରାଷ୍ଟ୍ରର ବିଭିନ୍ନ ସ୍ଥାନରେ ଲଗାଣ ବର୍ଷା ଜାରି ରହିଛି । ଫଳରେ ଜନଜୀବନ ଅସ୍ତବ୍ୟସ୍ତ ହୋଇପଡିଛି । ମୁମ୍ବାଇ, ରାଇଗଡ ଓ ରତ୍ନଗିରି, ଥାନେ ଓ ପାଲଘର ଜିଲ୍ଲାରେ 24 ଘଣ୍ଟା ମଧ୍ୟରେ ପ୍ରବଳରୁ ଅତି ପ୍ରବଳ ବର୍ଷା ନେଇ ରେଡ ଆଲର୍ଟ ଜାରି କରିଛି ବିଭାଗ । ସେହିପରି ଏହି ଜିଲ୍ଲା ଗୁଡିକ ବ୍ୟତୀତ ମହାରାଷ୍ଟ୍ରର ଅନ୍ୟ କିଛି ସ୍ଥାନରେ ବର୍ଷା ହେବାର ସମ୍ଭାବନା ରହିଛି ।
ଶୁକ୍ରବାର ଦିନ ମୁମ୍ବାଇରେ ସକାଳ 8.30ରୁ ରାତି 8.30 ପର୍ଯ୍ୟନ୍ତ 161.4 ମିଲି ମିଟର ବର୍ଷା ରେକର୍ଡ କରାଯାଇଛି । ତେବେ ଶୁକ୍ରବାର ଦିନ ମୁମ୍ବାଇ ସମେତ ଆଖପାଖ ଅଞ୍ଚଳରେ ପ୍ରବଳ ବର୍ଷା ହୋଇଥିଲା । ରାସ୍ତାଘାଟରେ ପାଣି ଜମି ରହିବାରୁ ଜନଜୀବନ ପ୍ରଭାବିତ ହୋଇଥିଲା । ଏପରିକି କିଛି ଘଣ୍ଟା ଘଣ୍ଟା ଧରି ଟ୍ରାଫିକ ଜାମ ମଧ୍ୟ ରହିଥିଲା ।
