ହାଇଦ୍ରାବାଦ: କୁହାଯାଏ ଦୁନିଆର ସବୁଠୁ ଶକ୍ତିଶାଳୀ ମା । ସତରେ ମା ହିଁ ସବୁଠୁ ଶକ୍ତିଶାଳୀ । କେବଳ ମଣିଷ ନୁହେଁ ପଶୁ ପକ୍ଷୀଙ୍କ କ୍ଷେତ୍ରରେ ବି ଅନେକ ସମୟରେ ଏହାର ଉଦାହରଣ ଦେଖିବାକୁ ମିଳିଛି । ତେବେ ନିକଟରେ ସୋସିଆଲ ମିଡିଆରେ ଭାଇରାଲ ହୋଇଛି ସାପ-ମୂଷାର ଲଢେଇ ଭିଡିଓ । ଏହି ଭିଡିଓ ନିଜ ଟ୍ବିଟର ପେଜରେ ସେୟାର କରିଛନ୍ତି ଭାରତୀୟ ବନ ଅଧିକାରୀ ସୁଶାନ୍ତ ନନ୍ଦ ।
ସନ୍ତାନ ପାଇଁ ସବୁକିଛି କରିପାରେ ମା
ଭିଡିଓରେ ଗୋଟିଏ ସାପ କୁନି ମୂଷା ଛୁଆକୁ ଖାଇବାକୁ ଚେଷ୍ଟା କରୁଥିବା ବେଳେ ମା ଛୁଆକୁ ବଞ୍ଚାଇବା ପାଇଁ ଶେଷ ପର୍ଯ୍ୟନ୍ତ ଲଢେଇ ଜରି ରଖିଥିଲା । ଶେଷରେ ହାରିଯାଇ ଜଙ୍ଗଲ ରାସ୍ତାକୁ ଫେରିଯାଇଛି ସାପ । ନିଜ ଛୁଆକୁ ବଞ୍ଚାଇବାରେ ସକ୍ଷମ ହୋଇଛି ମା ମୂଷା ।
ମା ନିଜ ସନ୍ତାନ ପାଇଁ କିଛି ବି କରିପାରେ ବୋଲି ସୁଶାନ୍ତ ତାଙ୍କ ପୋଷ୍ଟରେ ଲେଖିଛନ୍ତି । ମାତୃତ୍ବ ଦୁନିଆର ସବୁଠୁ ବଡ ଅସ୍ତ୍ର ବୋଲି ସେ ଲେଖିଛନ୍ତି ।
