ହାଇଦ୍ରାବାଦ: ମେଡିକାଲରେ ଲହଡି ଭାଙ୍ଗୁଛି ପାଣି । ସୋମବାର ଦିନ ହାଇଦ୍ରାବାଦରେ ପ୍ରବଳ ବର୍ଷା ହୋଇଥିବାରୁ ଓସମାନିଆ ମେଡିକାଲରେ ପାଣି ପଶିଯାଇଥିଲା । ଫଳରେ ରୋଗୀ ହନ୍ତସନ୍ତ ହୋଇଥିଲେ । ଜଳବନ୍ଦୀ ହୋଇଯାଇଥିଲା ମେଡିକାଲର କରିଡର । ଜଳ ନିଷ୍କାସନ ପାଇଁ ମେଡିକାଲ କର୍ତ୍ତୃପକ୍ଷ କୈଣସି କୈଣସି ବ୍ୟବସ୍ଥା କରି ନଥିଲେ । ଫଳରେ ରୋଗୀମାନେ ନାହିଁ ନ ଥିବା ସମସ୍ୟାର ସମ୍ମୁଖିନ ହୋଇଥିଲେ । ଯାହାକୁ ନେଇ ରୋଗୀ ଓ ରୋଗୀଙ୍କ ସମ୍ପର୍କୀୟଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଥିଲା ।
ମେଡିକାଲରେ ଲହଡି ଭାଙ୍ଗୁଛି ପାଣି
ତେବେ ଓସମାନିଆ ହସପିଟାଲ ହେଉଛି ତେଲେଙ୍ଗାନା ରାଜ୍ୟର ସର୍ବ ପୁରତନ ସରକାରୀ ଚିକିତ୍ସାଳୟ । ପାଞ୍ଚବର୍ଷ ପୂର୍ବେ କେସିଆର ସରକାର ଏହି ମେଡିକାଲ କୋଠାକୁ ଭାଙ୍ଗି ନୂତନ ବିଲ୍ଡିଂ କରିବା ପାଇଁ ନିଷ୍ପତି ନେଇଥିଲା । ହେଲେ ପରେ ସରକାର ଏହି ଯୋଜନାକୁ ବନ୍ଦ କରିଦେଇଥିଲେ ।
ବ୍ୟୁରୋ ରିପୋର୍ଟ,ଇଟିଭି ଭାରତ
