ବୌଦ୍ଧ: ଗୋଟିଏ ପଟରେ ଲକଡାଉନ ସମସ୍ୟା ଓ ଅନ୍ୟ ପଟରେ ଅଦିନିଆ ଝଡ ବର୍ଷା ଗରିବଙ୍କ ଦୁଃଖ ଆହୁରି ବଢାଇ ଦେଇଛି । ଗୁରୁବାର ସନ୍ଧ୍ୟାରେ ଅଦିନିଆ ବର୍ଷା ଯୋଗୁଁ କିଛି ଗରିବଙ୍କ ଘର ଛାତ ଉଡିଯିବା ସହ ବଡବଡ ଗଛ ଉପୁଡି ପଡିଥିବା ସୂଚନା ମିଳିଛି ।
ଗରିବ ଲୋକଙ୍କ ଚିନ୍ତା ବଢାଇଛି ଅଦିନିଆ ବର୍ଷା
ଲକଡାଉନ ସମୟରେ ଅଦିନିଆ ଝଡ ବର୍ଷା ଗରିବଙ୍କ ଦୁଃଖ ଆହୁରି ବଢାଇ ଦେଇଛି । ଗୁରୁବାର ସଂଧ୍ୟାରେ ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରେ ପ୍ରବଳ ଘୂର୍ଣ୍ଣିଝଡ ସାଙ୍ଗକୁ ବର୍ଷା ହୋଇଥିଲା । ଫଳରେ କେତେକ ସ୍ଥାନରେ ବଡବଡ ଗଛ ଭାଙ୍ଗି ଯିବା ସହ ଉପୁଡି ପଡିଥିଲା ।
ସେହିପରି କିଛି ଗରିବଙ୍କ ଘର ଛାଉଣୀ ଉଡିଯାଇଥିଲା । ଗରିବ ତଥା ଅସହାୟଙ୍କ ପାଇଁ ଉଦ୍ଦିଷ୍ଟ ରନ୍ଧା ଖାଦ୍ୟ ମଧ୍ୟ ଝଡତୋଫାନ ଯୋଗୁଁ କେତେକ ସ୍ଥାନରେ ପହଞ୍ଚି ପାରି ନଥିଲା । ଫଳରେ ଅନେକ ଅସହାୟ ଲୋକ ଭୋକରେ ରାତି କଟାଇବାକୁ ବାଧ୍ୟ ହୋଇଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
