ନୂଆଦିଲ୍ଳୀ: ଏଣିକି ଟ୍ରେନ ଯାତ୍ରୀ ଦେଖିବେ ରାମାୟଣ । ଖୁବ ଶୀଘ୍ର ରାମାୟଣ କଥାଚିତ୍ର ବିଷୟ ଉପରେ ଆଧାରିତ ଏକ ସ୍ବତନ୍ତ୍ର ଟ୍ରେନ୍ ଚଳାଇବା ପାଇଁ ଯୋଜନା କରିଛି ଭାରତୀୟ ରେଳ । ଆସନ୍ତା ସପ୍ତାହରୁ ଟ୍ରେନ ଗଡିବା ନେଇ ସୂଚନା ଦେଇଛି ବିଭାଗ । ତୀର୍ଥଯାତ୍ରୀଙ୍କୁ ଏହା ଟ୍ରେନ ଯାତ୍ରାରେ ମନ୍ଦିର ଭଳି ଅନୁଭୂତି ଦେବ । ଯାତ୍ରା କାଳରେ ଭଗବାନ ରାମଙ୍କ ଗୀତ ଶୁଣି ଚିତ୍ରପଟ୍ଟକୁ ଦେଖି ପାରିବେ ତୀର୍ଥଯାତ୍ରୀ ।
ଯାତ୍ରୀଙ୍କ ସୁବିଧା ପାଇଁ ବିଭିନ୍ନ ପରୀକ୍ଷାନିରୀକ୍ଷା କରୁଛି ରେଳ ବିଭାଗ । ଏବେ ଏଥିରେ ଆଉ ଏକ ଫର୍ଦ୍ଦ ଯୋଡି ହୋଇଛି । ତୀର୍ଥଯାତ୍ରୀଙ୍କ ପାଇଁ ଏକ ସ୍ବତନ୍ତ୍ର ଟ୍ରେନ ଗଡିବ । ରାମାୟଣ ଚିତ୍ରପଟ୍ଟ ଟ୍ରେନଟିର ବାହାର ଓ ଭିତରେ ସଜେଇ ହେବ । ରାମାୟଣର ବିଭିନ୍ନ ଭଜନ ଶୁଣିପାରିବେ ଯାତ୍ରୀ । ଏନେଇ ସୂଚନା ଦେଇଛନ୍ତି ଭାରତୀୟ ରେଳ ବୋର୍ଡ ଚେୟାରମ୍ୟାନ ବିକେ ଯାଦବ ।
ପୂର୍ବରୁ ରେଳ ବିଭାଗ ଭଗବାନ ରାମଙ୍କ ନାମରେ ଏକ ରେଳକୁ ରାମାୟଣ ଏକ୍ସପ୍ରେସ ନାମରେ ନାମିତ କରିଥିଲା । ଯାହା ଗତ ନଭେମ୍ବରରୁ ଚାଲୁ ଆସୁଛି ।
@ANI