ନୂଆଦିଲ୍ଲୀ: ‘ଚୌକିଦାର ଚୋର ହୈ’ ବୟାନକୁ ନେଇ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ବୁଧବାର ବିନା ସର୍ତ୍ତରେ ସର୍ବୋଚ୍ଚ ନ୍ୟାୟାଳୟରେ କ୍ଷମା ପ୍ରାର୍ଥନା କରିଛନ୍ତି ।
ଅବମାନନା ମାମଲାରେ ରାହୁଲ ପୂର୍ବରୁ ଦାଖଲ କରିଥିବା ଦୁଇଟି ଦସ୍ତାବିଜରେ କେବଳ ନିଜ ମନ୍ତବ୍ୟକୁ ନେଇ ଦୁଃଖ ପ୍ରକାଶ କରିଥିବାରୁ ଅଦାଲତ ରାହୁଲଙ୍କୁ ତାଚ୍ଛଲ୍ୟ କରିଥିଲେ । ପରେ କଂଗ୍ରେସ ଅଧ୍ୟକ୍ଷଙ୍କ ଓକିଲ ଅଭିଶେଖ ମନୁ ଅଦାଲତରେ କ୍ଷମା ମାଗିଥିବା ବେଳେ ନୂଆ ଦସ୍ତାବିଜ ଦାଖଲ ପାଇଁ ସମୟ ମାଗିଥିଲେ ।
ଗତମାସ ସୁପ୍ରିମକୋର୍ଟ ରାଫେଲ ଦସ୍ତାବିଜ ଚୋରି ମାମଲାରେ ଆଉଥରେ ଶୁଣାଣି ପାଇଁ ରାଜି ହୋଇଥିବାରୁ କୋର୍ଟ ମଧ୍ୟ ଚୌକିଦାରକୁ ଚୋର ମାନିଥିବା ରାହୁଲ କହିଥିଲେ । ଏହାକୁ ନେଇ ବିଜେପି ନେତ୍ରି ମୀନାକ୍ଷୀ ଲେଖୀ କଂଗ୍ରେସ ଅଧ୍ୟକ୍ଷଙ୍କ ବିରୁଦ୍ଧରେ ଅବମାନନା ମାମଲା ଦାଖଲ କରିବା ପରେ କୋର୍ଟ ରାହୁଲଙ୍କୁ ବିନା ନୋଟିସରେ ଜବାବ ମାଗିଥଲେ ।
ରାହୁଲ ଏପ୍ରିଲ 22 ତାରିଖରେ ନିର୍ବାଚନ ମାହୋଲର ଜୋସରେ ଏପରି କହିଥିବା ମାନି ଦୁଃଖ ପ୍ରକାଶ କରିଥିବା ବେଳ ଆଜି ଅଦାଲତରେ ବିନା ସର୍ତ୍ତରେ କ୍ଷମା ପ୍ରର୍ଥନା କରିଛନ୍ତି ।
