ଇନ୍ଦୋର : ରାହୁଲ ଗାନ୍ଧୀ କଦାପି 'ପପୁ' ନୁହଁନ୍ତି । ଭାରତ ରାହୁଲଙ୍କ ଭଳି ଜଣେ ଉଚ୍ଚ ଶିକ୍ଷିତ ଯୁବକଙ୍କୁ ନେତୃତ୍ବ ଦେବାକୁ ଚାହୁଁଛି । ସେଭଳି ଜଣେ ଯୁବକଙ୍କ ଆବଶ୍ୟକତା ରହିଛି ବୋଲି କହିଛନ୍ତି ଜାତୀୟ ଓଭରସିସ୍ କଂଗ୍ରେସର ମୁଖ୍ୟ ସାମ୍ ପିଟ୍ରୋଡ଼ା ।
ସାମ୍ବାଦିକ ସମ୍ମିଳନୀରେ ପିଟ୍ରୋଡା କହିଛନ୍ତି ' ମୁଁ ତାଙ୍କ ସହ କିଛି ସମୟ ବିତାଇଛି । ତାଙ୍କ ମଧ୍ୟରେ ପ୍ରଚୁର ସାମର୍ଥ୍ୟ ରହିଛି ଦେଶକୁ ଆଗକୁ ନେବାକୁ । ସେ ଜଣେ ଉଚ୍ଚ ଶିକ୍ଷିତ ଏବଂ ବୁଦ୍ଧିମାନ ଯୁବକ । ଭାରତ ତାଙ୍କ ଭଳି ଜଣେ ଯୁବକକୁ ଦେଶର ନେତୃତ୍ବ ଦେବାକୁ ଆବଶ୍ୟକତା କରୁଛି 'ବୋଲି କହିଛନ୍ତି ପିଟ୍ରୋଡ଼ା । ତେଣୁ ବିଜେପି ରାହୁଲଙ୍କୁ ପପୁ କହି ଅଟ୍ଟହାସ୍ୟ କରିବା ନିନ୍ଦନୀୟ ଏବଂ ବୃଥା ବୋଲି ସେ କହିଛନ୍ତି ।
