ଚଣ୍ଡିଗଡ: ସାରା ଦେଶରେ ଲକଡାଉନର ନିୟମ କଡାକଡି ଭାବରେ ପାଳନ କରାଯାଉଛି । ବିଶେଷ କରି ଲକଡାଉନ ସମୟରେ ମଦବିକ୍ରିକୁ ସମ୍ପୂର୍ଣ୍ଣ ଭାବରେ ବ୍ୟାନ କରାଯାଇଛି । ହେଲେ କେଉଁଠି ନା କେଉଁଠି ଚୋରା ମଦ ବିକ୍ରି ଖବର ସାମନାକୁ ଆସୁଛି । ଏତିକି ବେଳେ ପଞ୍ଜାବ ସରକାର ଲକଡାଉନ ସମୟରେ ବି ମଦ ଦୋକାନ ଖୋଲିବା ନେଇ କେନ୍ଦ୍ର ସରକାରଙ୍କୁ ଅନୁରୋଧ କରିଥିଲେ । କେନ୍ଦ୍ର ଏହା ସଫା ସଫା ମନା କରିଦେଇଛି ।
ପଞ୍ଜାବ, କେନ୍ଦ୍ର ସରକାରଙ୍କ ନିକଟରେ ଅନୁରୋଧ କରିଥିଲା ଯେ ତାଲାବନ୍ଦ ସମୟରେ ରାଜ୍ୟରେ ମଦ ଦୋକାନ ଖୋଲିବାକୁ ଅନୁମତି ଦିଅନ୍ତୁ କିନ୍ତୁ ମନ୍ତ୍ରଣାଳୟ ଏହାକୁ ପ୍ରତ୍ୟାଖ୍ୟାନ କରିଛି।
ଏପ୍ରିଲ୍ 15 ରେ ଜାରି କରାଯାଇଥିବା ତାଲାବନ୍ଦ ପାଇଁ ଏହାର ନିର୍ଦ୍ଦେଶାବଳୀରେ ମନ୍ତ୍ରଣାଳୟ କହିଛି ଯେ ତାଲାବନ୍ଦ ସମୟରେ ମଦ, ଗୁଟଖା, ତମାଖୁ ବିକ୍ରି ଉପରେ କଡା ପ୍ରତିବନ୍ଧକ ଲଗାଯିବା ଉଚିତ । ବାର ଗୁଡିକ ମଧ୍ୟ ବନ୍ଦ କରିବାକୁ ନିର୍ଦ୍ଦେଶ ଦିଆଯାଇଥିଲା। ମାର୍ଚ୍ଚ 25 ରୁ ଏପ୍ରିଲ 14 ପର୍ଯ୍ୟନ୍ତ ଲକଡାଉନର ପ୍ରଥମ ପର୍ଯ୍ୟାୟରେ ମଦ ଦୋକାନ ଖୋଲିବାକୁ ଦୁଇଟି ରାଜ୍ୟ ଆସାମ ଏବଂ ମେଘାଳୟ ଅନୁମତି ଦେଇଥିଲେ।
ତେବେ ଉତ୍ତର-ପୂର୍ବର ଦୁଇଟି ରାଜ୍ୟରେ ଥିବା ମଦ ଦୋକାନଗୁଡ଼ିକୁ ଏପ୍ରିଲ 15 ରୁ ବନ୍ଦ କରିବାକୁ ନିର୍ଦ୍ଦେଶ ଦିଆଯାଇଛି ।
