ପଞ୍ଜାବରେ ତୃତୀୟ ଲସ୍କର ଇ-ତୋଏବା ସଦସ୍ୟ ଗିରଫ

ପଞ୍ଜାବ ପୋଲିସ ଶନିବାର ତୃତୀୟ ଲସ୍କର ଇ-ତୋଏବା ଆତଙ୍କବାଦୀକୁ ଗିରଫ କରିଛି । ପୂର୍ବରୁ 2 ଜଣଙ୍କୁ ପୋଲିସ ଗିରଫ କରିସାରିଛି । ଅଧିକ ପଢନ୍ତୁ...

ଚଣ୍ଡିଗଡ: ପଞ୍ଜାବ ପୋଲିସ ଶନିବାର ତୃତୀୟ ଲସ୍କର ଇ-ତୋଏବା ଆତଙ୍କବାଦୀକୁ ଗିରଫ କରିଛି । ପୂର୍ବରୁ 2 ଜଣଙ୍କୁ ପୋଲିସ ଗିରଫ କରିସାରିଛି । କାଶ୍ମୀରରେ ଆତଙ୍କୀ କାର୍ଯ୍ୟକଳାପ କରିବା ପାଇଁ ଏମାନେ ମାରଣାସ୍ତ୍ର ଯୋଗାଉଥିବାର ଅଭିଯୋଗ ହୋଇଛି ।

ପୂର୍ବରୁ ପଠାନକୋଟରୁ 2 ଜଣଙ୍କୁ ଗିରଫ କରିଥିଲା ପୋଲିସ । ଶନିବାର ଏମାନଙ୍କର ତୃତୀୟ ସହଯୋଗୀକୁ ଗିରଫ କରାଯାଇଛି । ସେ କାଶ୍ମୀର ଯିବାକୁ ଉଦ୍ୟମ କରୁଥିବାବେଳେ ପୋଲିସ ଗିରଫ କରିଛି । ଏମାନେ ସମସ୍ତେ କାଶ୍ମୀରରେ ଆତଙ୍କବାଦୀ କାର୍ଯ୍ୟକଳାପକୁ ବଢାଇବା ପାଇଁ ବେଆଇନ ଭାବେ ମାରଣାସ୍ତ୍ର ଚାଲାଣ କରୁଥିଲେ ବୋଲି ପୋଲିସ ସୂଚନା ଦେଇଛି ।

ପୂର୍ବରୁ ଗିରଫ 2 ଜଣଙ୍କ ନାମ ଆମୀର ଓ ୱାସିମ୍ ୱାନି ବୋଲି ଜଣାପଡିଛି । ଏମାନଙ୍କଠାରୁ ପୋଲିସ 10ଟି ହ୍ୟାଣ୍ଡ ଗ୍ରେନେଡ, ଗୋଟିଏ ଏକେ 47 ରାଇଫଲ, 2 ମ୍ୟାଗାଜିନ ଏବଂ 60ଟି ଲାଇଭ୍ କ୍ୟାଟ୍ରିଜ୍ ସିଜ୍ କରିଛି । ଏମାନେ ସମସ୍ତେ ଲସ୍କର ଇ ତୋଏବା ପାଇଁ କାର୍ଯ୍ୟ କରନ୍ତି । କାଶ୍ମୀରରେ ଆତଙ୍କୀ କାର୍ଯ୍ୟକଳାପ ବଢାଇବାକୁ ସଙ୍ଗଠନର ଏହା ଯୋଜନା ଥିଲା । ଏମାନଙ୍କ ଦ୍ବାରା ମାରଣାସ୍ତ୍ର ପଠାଇ ସେଠାକାର ଆତଙ୍କବାଦୀଙ୍କୁ ସାହାଯ୍ୟ କରିବାକୁ ନିର୍ଦ୍ଦେଶ ଥିଲା ବୋଲି ପୋଲିସ ସୂଚନା ଦେଇଛି ।