ନୂଆଦିଲ୍ଲୀ: ପଦାରେ ପଡ଼ିଛି ମିଛୁଆ ପାକିସ୍ତାନର ଆତଙ୍କୀ ନୀତି । ପୁଲୱାମା ଆତଙ୍କବାଦୀ ଆକ୍ରମଣକୁ ଛଅ ମାସ ପୁରିଥିବା ବେଳେ ସତ ମାନିଛନ୍ତି ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ୍ । ଜୈଶ-ଏ-ମହମ୍ମଦର ମୁଖ୍ୟ ମାସୁଦ ଆଝାର ହିଁ ଭାରତୀୟ ସେନା ଉପରକୁ ହୋଇଥିବା ଆକ୍ରମଣର ମାଷ୍ଟରମାଇଣ୍ଡ ବୋଲି ଆମେରିକାରେ ସତ ମାନିଛନ୍ତି ଇମ୍ରାନ ।
ଆମେରିକାରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗଦେବା ଅବସରରରେ କହିଛନ୍ତି, ମାସୁଦ ଆଝାରର ସଙ୍ଗଠନ ଭାରତରେ ଆତଙ୍କବାଦୀ କାର୍ଯ୍ୟକଳାପରେ ଲିପ୍ତ ରହିଛି । ଆମ ଦେଶରେ 40 ଆତଙ୍କବାଦୀ ସଙ୍ଗଠନ ସକ୍ରିୟ ରହିଥିଲେ।
ଆତଙ୍କବାଦୀଙ୍କ ସୁରକ୍ଷା କବଚ ସାଜିଥିବା ପାକିସ୍ତାନ ବାରମ୍ବାର କହିଆସୁଥିବା ନିଜ ମିଛକୁ ନିଜେ କରିଛି ଉନ୍ମୋଚନ । ନିଜ ମାଟିରେ ମାସୁଦ ଆଝାର ନଥିବା କହୁଥିବା ଇମ୍ରାନ ସରକାର, ଆମେରିକା ଗସ୍ତର ଏକ ସପ୍ତାହ ପୂର୍ବରୁ କରାଚୀରୁ ନାଟକୀୟ ମୋଡ଼ରେ କରିଥିଲେ ଗିରଫ । ପୁଲୱାମା ଆକ୍ରମଣ ପରେ ପ୍ରଧାନମନ୍ତ୍ରୀ ମୋଦି ଏହି ଘଟଣାରେ ପାକିସ୍ତାନକୁ ଦାୟୀ କରିଥିଲେ । ଏହି ଘଟଣାରେ ଇମ୍ରାନ୍ ଖାନ୍ କହିଥିଲେ ପୁଲୱାମା ଆକ୍ରମଣ ସମ୍ପୂର୍ଣ୍ଣ ରୂପେ ଭାରତର ପ୍ରାୟୋଜିତ ଥିଲା । କିନ୍ତୁ ବୁଧବାର ଆମେରିକାରେ ଦେଇଥିବା ମନ୍ତବ୍ୟ ପରେ ପଦାରେ ପଡ଼ିଛି ପାକିସ୍ତାନର ମିଛ ।
