ନୂଆଦିଲ୍ଲୀ: ଗୃହମନ୍ତ୍ରୀ ଅମିତ ଶାହଙ୍କ ବାସଭବନ ସାମ୍ନାରେ ବିକ୍ଷୋଭ କରିବାକୁ ଉଦ୍ୟମ କରୁଥିବା ଆମ ଆଦମୀ ପାର୍ଟିର ବିଧାୟକଙ୍କୁ ହେପାଜତକୁ ନେଲା ପୋଲିସ । ବିକ୍ଷୋଭକୁ ଅନୁମତି ନଦେବା ସହ ଆପର ବିଧାୟକ କୁଲଦୀପ କୁମାରଙ୍କୁ ଅଟକ ରଖିଛି ପୋଲିସ ।
ଏମସିଡିରେ ପ୍ରାୟ 25 ଶହ କୋଟି ଟଙ୍କାର ଅର୍ଥ ହେରଫେର ହୋଇଥିବା ଅଭିଯୋଗ କରିବା ସହ CBI ତଦନ୍ତ ଦାବି କରି କୋଣ୍ଡଲିରୁ ଆମ ଆଦମୀ ପାର୍ଟିର ବିଧାୟକ କୁଲଦୀପ କୁମାର ଓ ତାଙ୍କର ଅନ୍ୟ ସହଯୋଗୀ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ବାସଭବନ ଆଗରେ ବିକ୍ଷୋଭ କରିବା ପାଇଁ ଉଦ୍ୟମ କରିଥିଲେ । ତୁରନ୍ତ ପୋଲିସ ପହଞ୍ଚି ତାଙ୍କୁ ବାରଣ କରିବା ସହ ହେପାଜତକୁ ନେଇଥିଲା । ଦିଲ୍ଲୀର ମଧୁବିହାର ଥାନା ପୋଲିସ ତାଙ୍କୁ ଅଟକ ରଖିଥିବା ଜଣା ପଡିଛି ।
ଏହା ପୋଲିସର ଦାଦାଗିରି ବୋଲି ଅଭିଯୋଗ କରିଛନ୍ତି ବିଧାୟକ କୁଲଦୀପ କୁମାର । ପ୍ରଦର୍ଶନ କରିବା ଆମର ସାମ୍ବିଧାନିକ ଅଧିକାର ଓ ତା ପୂର୍ବରୁ ଗୃହମନ୍ତ୍ରୀ ଦିଲ୍ଲୀ ପୋଲିସକୁ ବ୍ୟବହାର କରି ଏଥିରେ ବାଧା ଦେଉଥିବା କଥା କହିଛନ୍ତି ବିଧାୟକ କୁଲଦୀପ କୁମାର ।
ବ୍ୟୁରୋ ରିପୋର୍ଟ, ଇଟିଭି ଭାରତ
