ଲକ୍ଷ୍ନୌ: ଉତ୍ତର ପ୍ରଦେଶର ବାରଣାସୀରେ ସଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରା । ସନ୍ଥ ରବିଦାସଙ୍କ ପ୍ରକାଶ ପର୍ବ ଅବସରରେ ସୀର ଗୋବର୍ଦ୍ଧନପୁର ସ୍ଥିତ ମନ୍ଦିରରେ ପହଞ୍ଚି ପୂଜାର୍ଚ୍ଚନା କରିଛନ୍ତି । ଏହାପରେ ଆୟୋଜିତ ମହୋତ୍ସବରେ ସାମିଲ ହୋଇଛନ୍ତି ପ୍ରିୟଙ୍କା । ପ୍ରିୟଙ୍କାଙ୍କ ଆଗମନ ନେଇ ପୋଲିସ ପ୍ରଶାସନ ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଛି ।
ତେବେ ଦ୍ବିପହର 12ଟା ସମୟରେ ସେ ବାବତପୁର ଏୟାରପୋର୍ଟ ପହଞ୍ଚିଥିଲେ । ଏହାପରେ ସେଠାରୁ ସେ ସିଧା ସୀର ପାଇଁ ବାହାରିଥିଲେ । ସନ୍ଥ ରବି ଦାସ ମନ୍ଦିରରେ ପୂଜା କରିଛନ୍ତି । ଏହାପରେ ସମାରୋହର ନିରୀକ୍ଷଣ କରିବେ । ରାଜ୍ୟ ଅଧ୍ୟକ୍ଷ ଅଜୟ କୁମାର ଲଲ୍ଲୁ କହିଛନ୍ତି ଯେ, ପ୍ରିୟଙ୍କାଙ୍କ ବହୁତ ଦିନରୁ ଇଚ୍ଛା ଥିଲା ଯେ, ସେ ସନ୍ଥ ଶିରୋମଣୀ ଗୁରୁ ରବିଦାସଙ୍କ ଜନ୍ମସ୍ଥଳୀ ସୀରରେ ପୂଜାର୍ଚ୍ଚନା କରିବେ ।
ଏହି ପ୍ରରିପେକ୍ଷିରେ ପ୍ରିୟଙ୍କା କହିଛନ୍ତି ଯେ, ଗୁରୁ ରବିଦାସ ସାମାଜିକ ଏକତା, ବନ୍ଧୁତ୍ବ, ଭାଇଚାରା ଓ ଶ୍ରମର ମହତ୍ତ୍ବର ସନ୍ଦେଶ ଦେଇଥିଲେ । ଆଉ ତାଙ୍କ ବାଣୀ ଓ ବିଚାର ଅନୁକରଣ କରିବା ନିହାତି ଆବଶ୍ୟକ । ଏହା ଦ୍ବାରା ଆମେ ଏକ ଭଲ ସମାଜ ଗଠନ କରିପାରିବା ।
