ନୂଆଦିଲ୍ଲୀ: ଆଗାମୀ 2022 ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ଉତ୍ତରପ୍ରଦେଶର ରାଜ୍ୟ ତଥା ଜିଲ୍ଲା ସ୍ତରରେ ଗୃହ ସ୍ଥିର କରିବା ପରେ କଂଗ୍ରେସର ସାଧାରଣ ସମ୍ପାଦକ ତଥା ଦଳର ଉତ୍ତରପ୍ରଦେଶ ୟୁନିଟ୍ ଦାୟିତ୍ବରେ ଥିବା ପ୍ରିୟଙ୍କା ଗାନ୍ଧୀ ଭଦ୍ରା 'ମିଶନ୍ ୟୁପି' ଆରମ୍ଭ କରିବାକୁ ଯାଉଛନ୍ତି । ତେବେ ସେ ଲକ୍ଷ୍ନୌରେ ଆସନ୍ତା ଫ୍ରେବୃଆରୀରେ କ୍ୟାମ୍ପ ଆରମ୍ଭ କରିପାରନ୍ତି ବୋଲି ଜଣାପଡ଼ିଛି ।
ନ୍ୟାୟ ପଞ୍ଚାୟତ ସ୍ତରରେ ଦଳକୁ ମଜବୁତ କରିବା, ସମାନ କମିଟି ଗଠନ କରିବା ସହିତ ବୈଠକ କରିବା ପାଇଁ ଦଳୀୟ କର୍ମୀଙ୍କୁ ପ୍ରିୟଙ୍କା ଗାନ୍ଧୀ କହିଥିବା ତାଙ୍କ ନିକଟ ସୂତ୍ରରୁ ଜଣାପଡି଼ଛି । ଏହା ସହିତ ରାଜ୍ୟ କାର୍ଯ୍ୟାଳୟର ଅଧିକାରୀମାନଙ୍କୁ ପର୍ଯ୍ୟବେକ୍ଷକ ଭାବେ ନିଯୁକ୍ତି ଦିଆଯାଇଛି ।
କଂଗ୍ରେସ ନେତା ଜିଲ୍ଲା ସଭାପତିଙ୍କ ସହିତ ଏକ ଭର୍ଚୁଆଲ୍ ବୈଠକ କରି ସେମାନଙ୍କୁ କାର୍ଯ୍ୟ ଆରମ୍ଭ କରିବା ପାଇଁ କହିବାକୁ ସେ ନିର୍ଦ୍ଦେଶ ଦେଇଛନ୍ତି ଏବଂ ସେ ଏହି ସଭା ଗୁଡ଼ିକୁ ଆକସ୍ମିକ ଭାବେ ପରିଦର୍ଶନ କରିବେ ବୋଲି କହିଛନ୍ତି ।
ସେ ଜାନୁଆରୀର ଶେଷ ସପ୍ତାହରେ ନ୍ୟାୟ ପଞ୍ଚାୟତ ସ୍ତରରେ ଥିବା ହେଉଥିବା ବୈଠକରେ ଯୋଗଦାନ କରିବେ ବୋଲି ବିଶେଷ ସୂତ୍ରରୁ ଜଣାପଡି଼ଛି । ବିଧାନସଭା ନିର୍ବାଚନକୁ ଆଉ ମାତ୍ର 1 ବର୍ଷ ରହିଯାଇଥିବାରୁ ରାଜ୍ୟର ସମସ୍ତ ସ୍ତରରେ କାର୍ଯ୍ୟ କରାଯିବ । ସମାଜର ଗୁରୁତ୍ବପୂର୍ଣ୍ଣ ବ୍ୟକ୍ତିଙ୍କ ନିକଟରେ ପହଞ୍ଚିବା ପାଇଁ ଏକ ଯୋଗାଯୋଗ କମିଟି ଗଠନ କରାଯିବା ପାଇଁ କଂଗ୍ରେସର ମୁଖ୍ୟ ପ୍ରମୋଦ ତିୱାରିଙ୍କୁ ଦାୟିତ୍ବ ଦିଆଯାଇଛି।
ବିଭିନ୍ନ ଜିଲ୍ଲାରେ 'ଗାଈ ସୁରକ୍ଷା ଯାତ୍ରା' ଆରମ୍ଭ କରି ଉପର ଜାତିର ଭୋଟରଙ୍କ ଭୋଟ୍ ଉପରେ ଦଳ ପକ୍ଷରୁ ନଜର ରଖାଯାଇଛି । ବିଶେଷ ଭାବରେ ପୂର୍ବ ୟୁପି ଅଞ୍ଚଳରେ 100ରୁ ଅଧିକ ସିଟ୍ ଉପରେ ପ୍ରଭାବ ପକାଇଥିବା ବ୍ରାହ୍ମଣ ଭୋଟରଙ୍କ ଉପରେ ମଧ୍ୟ ଦଳ ନଜର ରଖିଥିବା ଜଣାପଡିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
