ନୂଆଦିଲ୍ଲୀ: ଆମେରିକା ଗଟ୍ ଟ୍ୟାଲେଣ୍ଟର ତାଜ୍ ପିନ୍ଧିଛନ୍ତି ଭାରତର ‘ଭି-ଅନବିଟେବଲ୍’ ଦଳ । ମୁମ୍ବାଇର ‘ବି-ଅନବିଟେବଲ୍’ ସମସ୍ତଙ୍କୁ ପଛରେ ପକାଇ ବିଜୟ ହାସଲ କରିଛି । ଦେଶ ବିଦେଶର ବର୍ତ୍ତମାନ ଏହାକୁ ନେଇ ଚର୍ଚ୍ଚା । ଏଥିରେ ପଛରେ ନାହାଁନ୍ତି କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରା । ମୁମ୍ବାଇର ଏହି ଡ୍ୟାନ୍ସ ଗ୍ରୁପର ବର୍ତ୍ତମାନ ସେ ଫ୍ୟାନ୍ ।
ସେ ନିଜ ଟ୍ବିଟର ଆକାଉଣ୍ଟରେ ଶୋ' ଫିନାଲେ ଭିଡିଓ ପୋଷ୍ଟ କରି ଶୁଭେଚ୍ଛା ଜଣାଇବା ସହ ଦଳକୁ ନେଇ ଗର୍ବିତ ଥିବା ପ୍ରକାଶ କରିଛନ୍ତି । ପ୍ରକାଶଥାଉକି, ‘ଭି-ଅନବିଟେବଲ’ ଗତ ବର୍ଷ ମଧ୍ୟ ଆମେରିକା ଗଟ୍ ଟ୍ୟାଲେଣ୍ଟରେ ଭାଗ ନେଇଥିଲା ମାତ୍ର ବିଜୟୀ ହୋଇପାରିନଥିଲା ।
