ନୂଆଦିଲ୍ଲୀ: ଗତକାଲି ଷଷ୍ଠ ପର୍ଯ୍ୟାୟ ନିର୍ବାଚନ ପାଇଁ ପ୍ରଚାର ସରିଛି । ଆସନ୍ତାକାଲି ହେବ ମତଦାନ । ତେବେ ସପ୍ତମ ତଥା ଶେଷ ପର୍ଯ୍ୟାୟ ନିର୍ବାଚନ ପାଇଁ ପ୍ରଚାରକୁ ଜୋରସୋର କରୁଛନ୍ତି ରାଜନୈତିକ ଦଳ । ଆଜି ପ୍ରଧାନମନ୍ତ୍ରୀ ମୋଦି ଉତ୍ତରପ୍ରଦେଶ ଏବଂ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ମଧ୍ୟପ୍ରଦେଶରେ ପ୍ରଚାର କରିବେ ।
ଉତ୍ତରପ୍ରଦେଶର ସୋନଭଦ୍ର ଏବଂ ଘାଜିପୁରରେ ଆୟୋଜିତ ସାଧାରଣ ସଭାରେ ସାମିଲ ହେବେ ମୋଦି । ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରିବେ । ଅନ୍ୟପଟେ ମଧ୍ୟପ୍ରଦେଶର 3 ସାଧାରଣ ସଭାକୁ ସମ୍ବୋଧିତ କରିବେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ । ସୁଜାଲପୁର, ଧାର ଏବଂ ଖରଗୋନରେ କଂଗ୍ରେସ ପାଇଁ ଭୋଟ ମାଗିବେ ।
ସେପଟେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ମଧ୍ୟ ବିହାର ଓ ଝାଡଖଣ୍ଡରେ ପ୍ରଚାର କରିବେ । ବିହାରର 3 ଏବଂ ଝାଡଖଣ୍ଡରେ ଗୋଟିଏ ସାଧାରଣ ସଭାକୁ ସମ୍ବୋଧିତ କରିବେ ଶାହା ।
