ନୂଆଦିଲ୍ଲୀ: ଆଜି ଆନ୍ତର୍ଜାତୀୟ ମହିଳା ଦିବସ । ଏହି ଅବସରରେ ରାଷ୍ଟ୍ରପତି ରାମନାଥ କୋବିନ୍ଦ ଟ୍ବିଟ ଜରିଆରେ ସମଗ୍ର ବିଶ୍ବର ମହିଳାଙ୍କୁ ଶୁଭେଚ୍ଛା ଜଣାଇଛନ୍ତି । ଏଥିସହ ସମସ୍ତଙ୍କୁ ମହିଳାଙ୍କ ସୁରକ୍ଷା ଏବଂ ମହିଳାଙ୍କ ପ୍ରତି ସମ୍ମାନ ମନୋଭାବ ରଖିବାକୁ କହିଛନ୍ତି । ଏଥିସହ ଏହି ସମାଜକୁ ଏକ ଉତ୍ତମ ସମାଜରେ ପରିଣତ କରିବା ପାଇଁ ମହିଳାମାନଙ୍କ ଗୁରୁତ୍ବପୂର୍ଣ୍ଣ ଭୂମିକା ରହିଥିବା ରାଷ୍ଟ୍ରପତି କହିଛନ୍ତି ।
ସେହିପରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ କେନ୍ଦ୍ର ଗୃହମନ୍ତ୍ରୀ ଅମିତ ଶାହ, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ମାନବସମ୍ବଳ ମନ୍ତ୍ରୀ ରମେଶ ପୋଖ୍ରିଆଲ ନିଶଙ୍କ ପ୍ରମୁଖ ସମଗ୍ର ବିଶ୍ବର ମହିଳାଙ୍କୁ ଆନ୍ତର୍ଜାତୀୟ ମହିଳା ଦିବସର ଶୁଭେଚ୍ଛା ଜଣାଇଛନ୍ତି ।
ତେବେ ସାମାଜିକ, ଅର୍ଥନୈତିକ, ରାଜନୀତିକ ଓ ସାଂସ୍କୃତିକ ସ୍ତରରେ ମହିଳାମାନଙ୍କ ସଫଳତାକୁ ଚିହ୍ନିତ କରିବା ପାଇଁ IWD ପ୍ରତିବର୍ଷ ମାର୍ଚ୍ଚ 8ରେ ପାଳନ କରାଯାଏ । ଏହି କ୍ରମରେ 104 ବର୍ଷୀୟ ମନ୍ କୌର ଆଥଲେଟିକ୍ସରେ ସଫଳତା ପାଇଁ ଆଜି ରାଷ୍ଟ୍ରପତିଙ୍କ ଦ୍ବାରା 'ନାରୀ ଶକ୍ତି ପୁରସ୍କାର' ପ୍ରଦାନ କରାଯାଇଛି । ତେବେ ସେ ଏପର୍ଯ୍ୟନ୍ତ 30ରୁ ଅଧିକ ପଦକ ହାସଲ କରିଛନ୍ତି ।
@ANI
