ଓ୍ବାସିଂଟନ: ଭାରତ ଯାତ୍ରାରେ ବାହାରିସାରିଲେଣି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ହ୍ବାଇଟ ହାଉସରୁ ହେଲିକାପ୍ଟର ଯୋଗେଁ ଏୟାରବେସ ପହଞ୍ଚିବା ପରେ ସେଠାରୁ ନିଜର ସ୍ବତନ୍ତ୍ର ବିମାନ ଏୟାରଫୋର୍ସ ଓ୍ବାନରେ ଉଡାଣ ଭରିଛନ୍ତି । ସୋମବାର ଦିନ 11.40ରେ ଅହମଦାବାଦ ବିମାନ ବନ୍ଦରରେ ପହଞ୍ଚିବେ ଟ୍ରମ୍ପ ଦମ୍ପତି ।
ଗସ୍ତ ପୂର୍ବରୁ ଟ୍ରମ୍ପ ଟ୍ବିଟ କରି କହିଥିଲେ ଯେ ଭାରତ ଯାତ୍ରା ସମୟରେ ମୋର ପ୍ରିୟ ବନ୍ଧୁ ମୋଦିଙ୍କୁ ଭେଟିବା ପାଇଁ ମୁଁ ଉତ୍ସାହିତ ରହିଛି । ମୋଦି ମୋ ବନ୍ଧୁ । ପ୍ରଧାନମନ୍ତ୍ରୀଙ୍କ ସହ ସମୟ ବିତାଇବାକୁ ମୋତେ ବହୁତ ଭଲଲାଗେ । ଭାରତରେ ବର୍ତ୍ତମାନ ସୁଦ୍ଧା ସବୁଠୁ ବଡ କାର୍ଯ୍ୟକ୍ରମ ହେବାକୁ ଯାଉଥିବା ମୋଦି କହିଛନ୍ତି ।
ଅନ୍ୟପକ୍ଷେ ଟ୍ରମ୍ପଙ୍କ ସ୍ବାଗତ ପାଇଁ ପୁରା ପ୍ରସ୍ତୁତ ରହିଛି ଅହମଦାବାଦ ସହର । ଆମେରିକା ରାଷ୍ଟ୍ରପତି ଦୁଇ ଦିନିଆ ଭାରତ ଗସ୍ତରେ ରହିବେ । ଏହି ଗସ୍ତ ସମୟରେ ସେ ଅନେକ କାର୍ଯ୍ୟକ୍ରମରେ ଯୋଗ ଦେବେ । ଟ୍ରମ୍ପଙ୍କ ଗସ୍ତକୁ ଦୃଷ୍ଟିରେ ରଖି ଅହମଦାବାଦରେ ସୁରକ୍ଷା ବ୍ୟବସ୍ଥା କଡାକଡି ରହିଛି ।
@ANI
