ଲକ୍ଷ୍ନୌ: ରାଜ୍ୟରେ ଥମିବାର ନାଁ ନେଉନି ଘଟଣା । ଉତ୍ତର ପ୍ରଦେଶ ଝାନ୍ସି ଅଞ୍ଚଳରେ ଛାତ୍ରୀଙ୍କୁ ଗଣଦୁର୍ଷ୍କମ ସହ ଧମକାଇବା ଅଭିଯୋଗରେ 8 ଜଣ ଛାତ୍ରକୁ ଗିରଫ କରିଛି ଝାନ୍ସି ପୋଲିସ ।
ଝାନ୍ସିର ଏକ ସରକାରୀ ପଲିଟେକନିକର 8 ଜଣ ଛାତ୍ର କଲେଜ ଭିତରେ ଜଣେ ଛାତ୍ରୀଙ୍କ ସହ ଗଣଦୁର୍ଷ୍କମ କରିଥିବା ଘଟଣା ସାମ୍ନାକୁ ଆସିଛି । 8 ଜଣ ପୀଡିତାଙ୍କୁ ଧମକ ଦେଇଥିବା ସହ 3000 ଟଙ୍କା ମାଗିଥିବା ଜଣାପଡିଛି । ତେବେ କୋରୋନା ସମୟରେ କଲେଜଗୁଡିକ ବନ୍ଦ ଥିବାବେଳେ ଛାତ୍ରମାନେ ହଷ୍ଟେଲକୁ କିପରି ଆସିଲେ ତାହା ଜଣା ପଡିନାହିଁ । ମାତ୍ର ଘଟଣା ଦିନ ସରକାରୀ କଲେଜରେ ଏକ ପରୀକ୍ଷା ଅନୁଷ୍ଠିତ ହେଉଥିଲା । ସୋମବାର ରାତିରେ ସମସ୍ତ ଅଭିଯୁକ୍ତଙ୍କୁ ଗିରଫ କରାଯାଇଛି । ଛାତ୍ରଙ୍କୁ କଲେଜରୁ ବହିଷ୍କୃତ କରିବାକୁ କହିଛନ୍ତି ଜିଲ୍ଲା ମାଜିଷ୍ଟେଟ ଏ ଭିମସା । ଭାରତୀୟ ଦଣ୍ଡ ବିଧାନ ଅନୁସାରେ ଅଭିଯୁକ୍ତଙ୍କ ବିରୁଦ୍ଧରେ ପୋସ୍କୋ ଆକ୍ଟ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିବା କହିଛନ୍ତି ଏସପି ଦିନେଶ କୁମାର ।
