ନୂଆଦିଲ୍ଲୀ: ସାତ ଦିନର ଆମେରିକା ଗସ୍ତ ସାରି ସ୍ବଦେଶ ଫେରୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଭାରତରେ ମୋଦିଙ୍କୁ ଭବ୍ୟ ସ୍ବାଗତ ପାଇଁ ପ୍ରସ୍ତୁତି ଆରମ୍ଭ ହୋଇଛି । ପ୍ରଧାନମନ୍ତ୍ରୀଙ୍କ ସ୍ବାଗତ ପାଇଁ ଦିଲ୍ଲୀ ବିମାନ ବନ୍ଦରରେ 20 ହଜାରରୁ ଊର୍ଦ୍ଧ୍ବ ଲୋକ ଉପସ୍ଥିତ ରହିବା ନେଇ ସମ୍ଭାବନା ରହିଛି । ଏହି ସମୟରେ ଦିଲ୍ଲୀର ସମସ୍ତ ସାଂସଦ ଏୟାରପୋର୍ଟରେ ପିଏମଙ୍କ ସ୍ବାଗତ ପାଇଁ ଉପସ୍ଥିତ ରହିବେ । ବିଜେପି କାର୍ଯ୍ୟକର୍ତ୍ତାଙ୍କ ପକ୍ଷରୁ ବିମାନ ବନ୍ଦରରୁ ଶୋଭାଯାତ୍ରା ବାହାର କରିବାର ମଧ୍ୟ କାର୍ଯ୍ୟକ୍ରମ ରହିଛି ।
ମୋଦି ଅନ୍ତଃରାଷ୍ଟ୍ରୀୟ ମଞ୍ଚରେ ଯେପରି ଭାବେ କାଶ୍ମୀର ସମେତ ଅନ୍ୟ ବିଷୟ ଗୁଡିକୁ ବିଶ୍ବ ଆଗରେ ଉପସ୍ଥାପନ କଲେ, ସେଥିପାଇଁ ଦେଶର ମାନ ସମ୍ମାନ ବଢିଥିବା ବିଜେପି କହିଛି । ପ୍ରଧାନମନ୍ତ୍ରୀ ମୋଦି ବିମାନ ବନ୍ଦରରେ ପହଞ୍ଚିବା ପରେ ସେଠାରୁ ପ୍ରଧାନମନ୍ତ୍ରୀ ନିବାସ ପର୍ଯ୍ୟନ୍ତ କାର୍ଯ୍ୟକର୍ତ୍ତା ଭବ୍ୟ ସ୍ବାଗତ କରିବା ନେଇ ବିଜେପି ବ୍ୟାପକ ପ୍ରସ୍ତୁତି କରିଛି ।
ପ୍ରଧାନମନ୍ତ୍ରୀ ମୋଦି ଶୁକ୍ରବାର ଜାତିସଙ୍ଘ ମହାସଭାରେ 74ତମ ଅଧିବେଶନକୁ ସମ୍ବୋଧିତ କରିଛନ୍ତି । 17 ମିନିଟର ଏହି ଭାଷଣରେ ମୋଦି ବିଶ୍ବକୁ ଅନେକ ସନ୍ଦେଶ ଦେଇଛନ୍ତି ।
