ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର କେନ୍ଦ୍ର ଜନସେବା ଆୟୋଗର ସିଭିଲ ସର୍ଭିସ ପରୀକ୍ଷାର ସଫଳ ପରୀକ୍ଷାର୍ଥୀଙ୍କୁ ଅଭିନନ୍ଦନ ଜଣାଇବା ସହ ସେମାନଙ୍କର ନୂତନ ତଥା ରୋମାଞ୍ଚକର ପର୍ଯ୍ୟାୟ ପାଇଁ ଶୁଭେଚ୍ଛା ଜଣାଇଛନ୍ତି।
ସେ ଟ୍ବିଟ କରିଛନ୍ତି ଯେ, ‘ସମସ୍ତ କୃତକାର୍ଯ୍ୟ ପରୀକ୍ଷାର୍ଥୀଙ୍କୁ ସଫଳ ଭବିଷ୍ୟତ ପାଇଁ ଅଭିନନ୍ଦନ । ଜନସେବାର ଏହି ରୋମାଞ୍ଚକର ତଥା ସନ୍ତୋଷଜନକ କ୍ୟାରିୟର ଆପଣଙ୍କୁ ଅପେକ୍ଷା କରିଛି। ମୋର ଶୁଭେଚ୍ଛା ’ । ଅନ୍ୟପକ୍ଷେ ପରୀକ୍ଷାରେ କୃତକାର୍ଯ୍ୟ ହୋଇନଥିବା ଯୁବପିଢିଙ୍କୁ ମଧ୍ୟ ଉତ୍ସାହିତ କରିଛନ୍ତି ସେ । ସେ ଲେଖିଛନ୍ତି, ‘ଜୀବନ ଅନେକ ସୁଯୋଗରେ ପରିପୂର୍ଣ୍ଣ । ଆପଣଙ୍କ ଭବିଷ୍ୟତ ପ୍ରୟାସ ପାଇଁ ଶୁଭେଚ୍ଛା’ ବୋଲି ସେ ଅନ୍ୟ ଏକ ଟ୍ବିଟରେ କହିଛନ୍ତି।
2019 ୟୁନିଅନ ଲୋକସେବା ଆୟୋଗ (UPSC) ନାଗରିକ ସେବା ପରୀକ୍ଷଣର ଫଳାଫଳ ଆୟୋଗ ଅଫିସିଆଲ୍ ୱେବସାଇଟ୍ - upsc.gov.in ରେ ଘୋଷଣା କରିଛି । ଉଭୟ ଲିଖିତ ଓ ସାକ୍ଷାତକାରରେ କୃତକାର୍ଯ୍ୟ ହୋଇଥିବା ପରୀକ୍ଷାର୍ଥୀଙ୍କ ନାମ ପ୍ରକାଶ କରାଯାଇଛି । ମୋଟ 829ଜଣ କୃତକାର୍ଯ୍ୟ ହୋଇଥିବା ବେଳେ ପ୍ରଦୀପ ସିଂ ପ୍ରଥମ ସ୍ଥାନରେ ରହିଛନ୍ତି ।
