ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଚୀନ୍ ରାଷ୍ଟ୍ରପତି ସି ଜିନପିଙ୍ଗ ନଭେମ୍ବର ମାସରେ ବିଶ୍ବର ଭିନ୍ନ ଭିନ୍ନ ସ୍ଥାନରେ ତିନିଟି ଭିନ୍ନ ଭର୍ଚୁଆଲ୍ ଶିଖର ସମ୍ମିଳନୀରେ ତିନିଥର ସାକ୍ଷାତ କରିବେ ବୋଲି ଆଶା କରାଯାଉଛି । ସାଂଘାଇ ସମ୍ମିଳନୀରୁ ଏହି ଭେଟର ଶୁଭାରମ୍ଭ ହେବ । ନଭେମ୍ବର ୧୦ ତାରିଖରେ ଏସ୍ସିଓ ମଂଚରେ ପ୍ରଥମ ଥର ମୋଦି ଓ ଜିନପିଙ୍ଗଙ୍କ ସାକ୍ଷାତ କରିବେ।
ସେହିଭଳି ନଭେମ୍ବର ୧୭ରେ ବ୍ରିକ୍ସ ସମ୍ମିଳନୀ ଅବସରରେ ଉଭୟ ନେତା ଆଲୋଚନା କରିବେ । ଶେଷରେ ନଭେମ୍ବର ୨୧ରୁ ୨୨ ଯାଏ ପରିଚାଳିତ ହେବାକୁ ଥିବା ଜି-୨୦ ସମ୍ମିଳନୀରେ ଭାରତୀୟ ପ୍ରଧାନମନ୍ତ୍ରୀ ଓ ଚୀନର ରାଷ୍ଟ୍ରପତି ମୁହାମୁହାଁ ହେବେ । ରୁଷିଆ ବ୍ରିକ୍ସ ଓ ଏସସିଓ ସମ୍ମିଳନୀ ସମୟରେ ଆୟୋଜନର ଅଧ୍ୟକ୍ଷତା କରିବ । ଜି-୨୦ ସମ୍ମିଳନୀର ଆରମ୍ଭ ରିୟାଦ ପକ୍ଷରୁ କରାଯିବ । ଏବଂ ପ୍ରୋଟୋକଲ୍ ଦ୍ବାରା ଏହା ପାକିସ୍ଥାନ ଏବଂ ଚୀନକୁ ଆମନ୍ତ୍ରଣ କରିବ।
ସୀମା ତିକ୍ତତା ମଧ୍ୟରେ ଉଭୟ ନେତା ପ୍ରଥମ ଥର ଏକାଠି ହେବେ । ଜୁନ୍ 15 ର ଗଲୱାନ୍ ଘଟଣାରେ 20 ଜଣ ଭାରତୀୟ ଯବାନ ଶହୀଦ ପରେ ଉଭୟ ଦେଶ ମଧ୍ୟରେ ସମ୍ପର୍କ ବିଗିଡି ଯାଇଥିଲା ଏବଂ ଚୀନର ଅନେକ ସୌନ୍ୟ ମଧ୍ୟ ଆହତ ହୋଇଥିଲେ ।
ଅତୀତ, ଭାରତ ଏବଂ ଚୀନ୍ ମଧ୍ୟରେ ଉଚ୍ଚ ସ୍ତରୀୟ ଯୋଗଦାନ ଏହିପରି ଶିଖର ସମ୍ମିଳନୀରେ ଘଟିଛି। ବାସ୍ତବରେ, ଉଭୟ ନେତାଙ୍କ ପାଇଁ ଏହିପରି ପ୍ରମୁଖ ବୈଠକର ମୋଡ୍ ଭର୍ଚୁଆଲ୍ ଅଟେ । ଭାରତ, ଚୀନ୍, ପାକିସ୍ଥାନ, ଋଷ ଏବଂ ଚାରିଟି କେନ୍ଦ୍ରୀୟ ଏସିଆ ଦେଶ - କାଜାଖସ୍ତାନ, କିର୍ଗିଜସ୍ଥାନ, ତାଜିକିସ୍ତାନ ଏବଂ ଉଜବେକିସ୍ତାନ ସାମିଲ ରହିବେ |
