ଚେନ୍ନାଇ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଏକ କାର୍ଯ୍ୟକ୍ରମ ପାଇଁ ଚାକିରୀ ହରାଇଲେ ଜଣେ ସାମ୍ବାଦିକ । ପ୍ରଧାନମନ୍ତ୍ରୀଙ୍କ କାର୍ଯ୍ୟକ୍ରମର ଲାଇଭ ପ୍ରସାରଣ ନକରିବାରୁ ଚେନ୍ନାଇ ଦୁରଦର୍ଶନ କେନ୍ଦ୍ରର ସହ ପ୍ରଯୋଜକ ଆର ବାସୁମତିଙ୍କୁ ବରଖାସ୍ତ କରାଯାଇଛି ।
ତେବେ ବରଖାସ୍ତର କୌଣସି କାରଣ ଦର୍ଶାଯାଇନଥିଲେ ମଧ୍ୟ ପ୍ରଧାନମନ୍ତ୍ରୀଙ୍କ କାର୍ଯ୍ୟକ୍ରମର ଲାଇଭ ପ୍ରସାରଣ ନକରିବାରୁ ତାଙ୍କୁ ବିଦା କରାଯାଇଥିବା ବିଶେଷ ସୂତ୍ରରୁ ଜଣାପଡିଛି ।
ସୂଚନା ମୁତାବକ, ଗତ ସେପ୍ଟେମ୍ବର 30 ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଚେନ୍ନାଇ ଗସ୍ତ କରିଥିଲେ । ଏଠାରେ ସେ ଆଇଆଇଟି ମାଡ୍ରାସର 56 ତମ ସମାବର୍ତ୍ତନ ସମାରୋହରେ ଯୋଗ ଦେଇଥିଲେ । ତେବେ ତାଙ୍କର ଏହି କାର୍ଯ୍ୟକ୍ରମର ଲାଇଭ ପ୍ରସାରଣ କରିନଥିଲେ ପ୍ରଯୋଜକ ଆର ବାସୁମତି । ଫଳରେ ତାଙ୍କୁ ଚାକିରୀରୁ ହାତ ଧୋଇବାକୁ ପଡିଛି ।
