ନୂଆଦିଲ୍ଲୀ: ଆଜି ଶିଖ୍ ଧର୍ମର ପ୍ରଥମ ଗୁରୁ ଶ୍ରୀ ଗୁରୁ ନାନକ ଦେବ ଜୀ ମହାରାଜଙ୍କ 550ତମ ଜନ୍ମବାର୍ଷିକୀ । ଗୁରୁ ନାନକଙ୍କ ଏହି ପ୍ରକାଶ ପର୍ବରେ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ । ତାଙ୍କର ଏହି ଜନ୍ମବାର୍ଷିକରେ ଆମେ ତାଙ୍କ ନ୍ୟାୟପୂର୍ଣ୍ଣ, ସମାବେଶ ଓ ସାମଞ୍ଜସ୍ୟପୂର୍ଣ୍ଣ ସମାଜର ପୁରଣର ସ୍ବପ୍ନକୁ ପୂରଣ କରିବା ଉଚିତ ବୋଲି ଟ୍ବିଟର ମାଧ୍ୟମରେ ଜଣାଇଛନ୍ତି ମୋଦି । ଏଥିସହ ସେ ଏକ ଭିଡିଓ ମଧ୍ୟ ଜାରି କରିଛନ୍ତି ।
ସୂଚନାଯୋଗ୍ୟ, ମୋଦି ଗତ ନଭେମ୍ବର 9ରେ କରତାପୁର କରିଡରର ଉଦଘାଟନ କରିଥିଲେ । ଏହି ଉତ୍ସବରେ ସାମିଲ ହେବା ପାଇଁ ପଞ୍ଜାବ ଗୁରଦାସପୁରରୁ କେତେକ ତୀର୍ଥଯାତ୍ରୀ ପାକିସ୍ତାନର ଗୁରୁଦ୍ବାର ଦରବାର ସାହିବକୁ ଗସ୍ତ କରିଥିଲେ । ଏହି ଶ୍ରଦ୍ଧାଳୁଙ୍କ ମଧ୍ୟରେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂଙ୍କ ଓ ତାଙ୍କ ପତ୍ନୀଙ୍କ ସାମିଲ ଥିବାବେଳେ ତାଙ୍କ ସହ ସାକ୍ଷାତ କରିଥିଲେ ମୋଦି ।
ଏହା ପୂର୍ବରୁ ପଞ୍ଜାବର ସୁଲତାପୁର ଲୋଧି ସହରରେ ପହଞ୍ଚି ପ୍ରଧାନମନ୍ତ୍ରୀ ବୀର ସାହିବ ଗୁରଦ୍ବାରେ ମଥା ଟେକିଥିଲେ । ଏଥିସହ ପାକିସ୍ତାର ସୀମାରେ ଲାଗିରହିଥିବା ଡେରା ବାବା ନାନକଙ୍କ କାର୍ଯ୍ୟକ୍ରମରେ ସାମିଲ ହୋଇଥିଲେ ।
