ନୂଆଦିଲ୍ଲୀ: ଶୁକ୍ରବାର 2ଟି ପୂର୍ବାଞ୍ଚଳ ରାଜ୍ୟ ଗସ୍ତରେ ଆସିବେ ପ୍ରଧାନମନ୍ତ୍ରୀ ମୋଦି । ଓଡିଶା ଓ ପଶ୍ଚିମବଙ୍ଗ ଗସ୍ତ କରି ପ୍ରଧାନମନ୍ତ୍ରୀ ବାତ୍ୟା 'ଅମ୍ଫାନ'ର ପରବର୍ତ୍ତୀ ସ୍ଥିତିର ସମୀକ୍ଷା କରିବେ । ଏନେଇ ଗୁରୁବାର ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ସୂଚନା ଦିଆଯାଇଛି ।
ବୁଧବାର ବାତ୍ୟା ଦ୍ବାରା ଏହି ଦୁଇଟି ରାଜ୍ୟ ଅଧିକ ପ୍ରଭାବିତ ହୋଇଥିଲେ । ବିଶେଷ କରି ପଶ୍ଚିମବଙ୍ଗରେ ଅନେକ କ୍ଷୟକ୍ଷତି ହୋଇଥିଲା । ଉଭୟ ରାଜ୍ୟର ସ୍ଥିତି ସମୀକ୍ଷା କରିବାକୁ ମୋଦି ଶୁକ୍ରବାର ଉଭୟ ରାଜ୍ୟକୁ ଗସ୍ତ କରିବେ ।
ଏହି ଅବସରରେ ସେ ଆକାଶ ମାର୍ଗରୁ ପ୍ରଭାବିତ ଅଞ୍ଚଳ ପରିଦର୍ଶନ କରିବେ । ଏହାସହ ବିଭିନ୍ନ ସମୀକ୍ଷା ବୈଠକରେ ଯୋଗ ଦେବେ । ରିଲିଫ ଓ ପୁନରୁଦ୍ଧାର କାର୍ଯ୍ୟକ୍ରମ ଉପରେ ଅଧିକାରୀଙ୍କ ସହ ଆଲୋଚନା କରିବେ ବୋଲି ଜଣାପଡିଛି । ବାତ୍ୟା 'ଅମ୍ଫାନ' ଦ୍ବାରା କ୍ଷତିଗ୍ରସ୍ତ ଅଞ୍ଚଳ ଓ ଲୋକଙ୍କ ସମ୍ପର୍କରେ ସେ ପଚାରି ବୁଝିବେ ବୋଲି ପିଏମଓ ପକ୍ଷରୁ କୁହାଯାଇଛି ।
ସୌଜନ୍ୟ@ANI
