ଗାନ୍ଧୀନଗର: ପଞ୍ଚମ ଆୟୁର୍ବେଦ ଦିବସ ଅବସରରେ 2ଟି ଆୟୁର୍ବେଦିକ ଅନୁଷ୍ଠାନକୁ ଉଦଘାଟନ କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଗୁଜୁରାଟର ଜାମନଗରରେ ଆୟୁର୍ବେଦ ଇନଷ୍ଟିଚ୍ୟୁଟ୍ ଅଫ୍ ଶିକ୍ଷାଦାନ ଏବଂ ଅନୁସନ୍ଧାନ ସଂସ୍ଥାନ ଏବଂ ଜୟପୁରର ରାଷ୍ଟ୍ରୀୟ ଆୟୁର୍ବେଦ ସଂସ୍ଥାନ(ଏନଆଇଏ) କୁ ଉଦଘାଟନ କରି ରାଷ୍ଟ୍ର ଉଦ୍ଦେଶ୍ୟରେ ଉତ୍ସର୍ଗିତ କରିଛନ୍ତି ।
ଆୟୁର୍ବେଦ କୋରୋନା ମୁକାବିଲା କରିବାରେ ପ୍ରଭାବଶାଳୀ ପ୍ରତିକାର ଭାବେ ପ୍ରମାଣିତ ହୋଇପାରିଛି । କୋରୋନା କାଳରେ ଆୟୁର୍ବେଦକ ଉତ୍ପାଦର ଚାହିଦା ବଢିଛି । ଆୟୁର୍ବେଦ ଦେଶର ଆରୋଗ୍ୟ ନିତିର ଏକ ପ୍ରମୁଖ ଅଂଶ ବୋଲି ବୋଲି ପିଏମ ମୋଦି ନିଜ ଅଭିଭାଷଣ କହିଛନ୍ତି ।
ଏଥର ଗୁଜୁରାଟ ଏବଂ ରାଜସ୍ଥାନ ପାଇଁ ଆୟୁର୍ବେଦ ଦିବସ ସ୍ବତନ୍ତ୍ର ରହିଛି । ଏହା ଆମର ଯୁବ ସହକର୍ମୀମାନଙ୍କ ପାଇଁ ମଧ୍ୟ ଖାସ ରହିଛି । ଆୟୁର୍ବେଦ ଭାରତର ଏକ ଐତିହ୍ୟ, ଏହାର ବିସ୍ତାରରେ ଏହା ସମଗ୍ର ମାନବ ଜାତିର ଲାଭାନ୍ବିତ ହେବ । ଆଜି ଆୟୁର୍ବେଦ ବ୍ରାଜିଲର ଜାତୀୟ ନୀତିରେ ଅନ୍ତର୍ଭୁକ୍ତ ହୋଇଛି ବୋଲି ପିଏମ କହିଛନ୍ତି ।
ସେପଟେ ମନ୍ତ୍ରଣାଳୟ ଅନୁସାରେ, ଉଭୟ ଅନୁଷ୍ଠାନ ଦେଶର ଆୟୁର୍ବେଦର ପ୍ରତିଷ୍ଠିତ ପ୍ରତିଷ୍ଠାନ ଅଟେ। ଜାମନଗରର ଆୟୁର୍ବେଦ ଶିକ୍ଷାଦାନ ଏବଂ ଅନୁସନ୍ଧାନ ପ୍ରତିଷ୍ଠାନକୁ ସଂସଦର ଅଧିନିୟମ ମାଧ୍ୟମରେ ଏକ ଇନଷ୍ଟିଚ୍ୟୁଟ୍ ଅଫ୍ ନ୍ୟାସନାଲ ଗୁରୁତ୍ବ (INI) ମାନ୍ୟତା ପ୍ରଦାନ କରାଯାଇଥିବାବେଳେ ଜୟପୁରର ଜାତୀୟ ଆୟୁର୍ବେଦକୁ ବିଶ୍ବବିଦ୍ୟାଳୟ ଅନୁଦାନ ଆୟୋଗ ଦ୍ବାରା ସମ୍ମାନିତ ବିଶ୍ବବିଦ୍ୟାଳୟ ମାନ୍ୟତା ପ୍ରଦାନ କରାଯାଇଛି।
ସୂଚନାଯୋଗ୍ୟ, ଆୟୁଷ ମନ୍ତ୍ରଣାଳୟ ଧନତେରସ ଅବସରରେ 2016 ଠାରୁ ପ୍ରତିବର୍ଷ ଆୟୁର୍ବେଦ ଦିବସ ପାଳନ କରିଆସୁଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
