ବେଙ୍ଗାଲୁରୁ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ଠାରୁ 2 ଦିନିଆ କର୍ଣ୍ଣାଟକ ଗସ୍ତରେ ରହିଛନ୍ତି । ଆଜି ତୁମକୁରୁ ସ୍ଥିତ ପ୍ରସିଦ୍ଧ ଶ୍ରୀ ସିଦ୍ଧଗଙ୍ଗା ମଠ ପରିଦର୍ଶନ କରିବା ପରେ କୃଷକଙ୍କ ପାଇଁ ବଡ ଘୋଷଣା କରିଛନ୍ତି । ତୁମକୁର ଠାରେ କୃଷକଙ୍କୁ ଏକ ସାଧାରଣ ସଭାରେ ସମ୍ବୋଧନ କରି ନୂଆବର୍ଷ ଉପହାର ଭେଟି ଦେଇଛନ୍ତି । ପିଏମ କିଷାନ ନିଧିର ତୃତୀୟ କିସ୍ତି ଦିଆଯିବା ନେଇ ଘୋଷଣା କରିଛନ୍ତି । 6କୋଟି କୃଷକଙ୍କୁ ଏହାର ଲାଭ ମିଳିଥିବା କଥା ସେ କହିଛନ୍ତି ।
ଭିଡିଓ ସୌଜନ୍ୟ: ଏଏନଆଇ
ଏହି ସାଧାରଣ ସଭାରୁ ଡିଜିଟାଲ ଟ୍ରାନଜାକ୍ସନ ଜରିଆରେ ୧୨୦୦୦ କୋଟି ଟଙ୍କା ୬କୋଟି କୃଷକଙ୍କ ଖାତାକୁ ପଠାଇଛନ୍ତି ମୋଦି ।
ଏଠାରେ ଉଲ୍ଲେଖଯୋଗ୍ୟ ଯେ, ଏହି ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି (ପିଏମ- କିଷାନ) ଯୋଜନାରେ କୃଷକଙ୍କୁ ପ୍ରତିବର୍ଷ ୬ ହଜାର ଟଙ୍କା ମିଳିବ। ତେବେ ପିଏମ୍ କିଷାନ ନିଧି ଯୋଜନାରେ କୃଷକଙ୍କ ଖାତାକୁ ଆସିଥିବା ଏହା ୩ୟ କିସ୍ତି।
