ନୂଆଦିଲ୍ଲୀ: ସାରା ଦେଶରେ ପାଳିତ ହୋଇଛି ରାଷ୍ଟ୍ରପିତା ମହାତ୍ମା ଗାନ୍ଧୀଙ୍କ 150 ତମ ଜନ୍ମ ଜୟନ୍ତୀ । ଭିନ୍ନ ଭିନ୍ନ ଶୈଳୀରେ ବାପୁଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି ଦେଶବାସୀ । କିଏ ସ୍ବଚ୍ଛ ଅଭିଯାନ କରି ତ କିଏ ପ୍ଲାଷ୍ଟିକ୍ ବ୍ୟାନ କରି ମହାତ୍ମାଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି । ଯେଉଁଠିକି ଜାମିୟା ମିଲ୍ଲିୟା ଇସଲାମିୟା ବିଶ୍ବବିଦ୍ୟାଳୟରେ ‘ସିଙ୍ଗଲ୍ ୟୁଜ୍ ପ୍ଲାଷ୍ଟିକ’ ଉପରେ ପୂରାପୂରି ବ୍ୟାନ କରାଯାଇ ବାପୁଙ୍କୁ ଶ୍ରଦ୍ଧାଞ୍ଜଳି ଦିଆଯାଇଛି ।
ଏହି ଅବସରରେ କୁଳପତି ପ୍ରଫେସର ନଜମା ଅଖତର ବିଶ୍ବବିଦ୍ୟାଳୟ ପରିସରକୁ ପ୍ଲାଷ୍ଟିକ୍ ମୁକ୍ତ ଘୋଷଣା କରିଛନ୍ତି । ଏହା ସହ ଛାତ୍ରଛାତ୍ରୀଙ୍କୁ ପ୍ଲାଷ୍ଟିକ୍ ବ୍ୟବହାର ନ କରିବାକୁ ମଧ୍ୟ ସେ ଶପଥ କରାଇଛନ୍ତି।
ତେବେ ଯେଉଁମାନେ ବିଶ୍ବବିଦ୍ୟାଳୟ ପରିସରରେ ପ୍ଲାଷ୍ଟିକ ବ୍ୟବହାର କରିବେ ସେମାନଙ୍କ ଠାରୁ 500 ଟଙ୍କା ପର୍ଯ୍ୟନ୍ତ ଜୋରିମାନା ଆଦାୟ କରାଯିବ ବୋଲି କୁହାଯାଇଛି । ଏଥି ସହିତ ବିଶ୍ବବିଦ୍ୟାଳୟର ପାଠାଗାରରେ ମହାତ୍ମା ଗାନ୍ଧୀଙ୍କ ଜୀବନ ଉପରେ ଏକ ପ୍ରଦର୍ଶନୀ କରାଯାଉଛି। ଯାହା ଅକ୍ଟୋବର 12 ପର୍ଯ୍ୟନ୍ତ ଚାଲିବ।
