ହାଇଦ୍ରାବାଦ: ଏବେ ଆଉ ଯାତ୍ରା ସମୟରେ ଅସୁବିଧାରେ ସମ୍ମୁଖିନ ହେବେନି ମହିଳା ଯାତ୍ରୀ । ହାଇଦ୍ରାବାଦ ମ୍ୟୁନସିପାଲଟି ପକ୍ଷରୁ ସି ମାର୍ଟ ଆଣ୍ଡ ଲୁଜ ଯୋଜନା ଆରମ୍ଭ ହୋଇଛି । ଏହି ଯୋଜନାରେ ମହିଳାଙ୍କ ପାଇଁ ସ୍ବଚ୍ଛ ଏବଂ ସୁରକ୍ଷିତ ପିଙ୍କ ଟଏଲେଟ ନିର୍ମାଣ କରାଯାଇଛି ।
ଏହି ଟଏଲେଟ ଇକୋ ଫ୍ରେଣ୍ଡଲି ଏବଂ ଏଥିରେ ବ୍ୟବାହାର କରାଯାଉଥିବା ଜିନିଷ ସ୍ବୟଂ ସହାୟକ ଗୋଷ୍ଠୀ ଦ୍ବାରା ନିର୍ମାଣ କରାଯାଇଛି ।
ପିଙ୍କ୍ ଟଏଲେଟର ସୁରକ୍ଷା ପାଇଁ ସିସିଟିଭିର ବ୍ୟବସ୍ଥା ମଧ୍ୟ କରାଯାଇଛି । ମ୍ୟୁନସିପାଲଟି ୱେଷ୍ଟ ଜୋନ କମିଶନର ହରିଚନ୍ଦନଙ୍କ କହିବା ଅନୁସାରେ, ହାଇଦ୍ରାବାଦରେ ଥିବା ଅନ୍ୟ ଟଏଲେଟ ଗୁଡିକରେ ସାଧାରଣତଃ ପୁରୁଷ କର୍ମଚାରୀ ରହିଥାନ୍ତି। ତେଣୁ ମହିଳା ମାନେ ଏହି ଟଏଲେଟ ବ୍ୟବହାର କରନ୍ତି ନାହିଁ ବୋଲି ସୂଚନା ରହିଛି ।
ତେବେ ସରକାରଙ୍କ ଏହି ନୂଆ ଯୋଜନାକୁ ମହିଳାମାନେ ସୁରକ୍ଷିତ ଏବଂ ସୁବିଧାରେ ବ୍ୟବହାର କରିପାରିବେ । କାରଣ ଏହି ପିଙ୍କ୍ ଟଏଲେଟରେ ରହିବେ ମହିଳା କର୍ମଚାରୀ।
