ନୂଆଦିଲ୍ଲୀ: ନିର୍ଭୟା ଦୋଷୀଙ୍କୁ ଅଙ୍ଗଦାନ କରିବା ପାଇଁ ଦିଲ୍ଲୀ ପାଟିଆଲା ହାଉସ କୋର୍ଟରେ ଯାଚିକା ଦାୟର କରାଯାଇଛି । ଏହି ଯାଚିକାକୁ ନେଇ ଦିଲ୍ଲୀ କୋର୍ଟ ଆଜି ଶୁଣାଣି କରିବେ ।
ଫାଶୀଦଣ୍ଡ ପରେ ନିର୍ଭୟା ଦୋଷୀଙ୍କ ଅଙ୍ଗ ଅନ୍ୟମାନଙ୍କ କାର୍ଯ୍ୟରେ ଆସିବା ନେଇ ଏକ ସ୍ବେଚ୍ଛାସେବୀ ସଂଗଠନ କୋର୍ଟରେ ଆବେଦନ କରିଛନ୍ତି । ଆବେଦନକାରୀଙ୍କ ପକ୍ଷରୁ ଓକିଲ ଶିବମ ଶର୍ମା ମାମଲା ଦାୟର କରି କହିଛନ୍ତି କୋର୍ଟ ଚାରି ଦୋଷୀଙ୍କୁ 22 ତାରିଖ ଦିନ ସକାଳେ ଫାଶୀ ଦେବାପାଇଁ ଘୋଷଣା କରିଛନ୍ତି । ଏହା ପୂର୍ବରୁ ମନୋବୈଜ୍ଞାନିକ, ଚିକିତ୍ସକ, ଓକିଲ, ଆଧ୍ୟାତ୍ମିକ ନେତା ଓ ସାମାଜିକ କାର୍ଯ୍ୟକର୍ତ୍ତାଙ୍କୁ ଚାରି ଦୋଷୀଙ୍କୁ ଭେଟିବାକୁ ଅନୁମତି ଦିଆଯାଉ । ଏହାଦ୍ବାରା ସେମାନେ 4 ଦୋଷୀଙ୍କୁ ଭେଟି ଅଙ୍ଗଦାନ କରିବାପାଇଁ ପ୍ରବର୍ତ୍ତାଇ ପାରିବେ । ଦୋଷୀଙ୍କ ଅଙ୍ଗ ସେମାନଙ୍କ ମୃତ୍ୟୁପରେ ଅନ୍ୟ କୌଣସି ଲୋକଙ୍କ କାର୍ଯ୍ୟରେ ଆସିପାରିବ ବୋଲି ଯାଚିକା ଦାୟର କରିଥିବା ଓକିଲ କହିଛନ୍ତି ।
ଗତ 7 ରେ ନର୍ଭୟା ଦୋଷୀଙ୍କ ବିରୁଦ୍ଧରେ ପଟିଆଲା ହାଉସ କୋର୍ଟ ଡେଥ ୱାରେଣ୍ଟ ଜାରି କରିଥିଲା । ଆସନ୍ତା 22 ତାରିଖ ସକାଳ 7ଟା ସମୟରେ ଫାଶୀଖୁଣ୍ଟରେ ଝୁଲିବେ ସମସ୍ତ ଦୋଷୀ । ଏହି ରାୟ ପରେ ଜଣେ ଦୋଷୀ 9 ତାରିଖ ଦିନ ସୁପ୍ରିମକୋର୍ଟରେ କ୍ୟୁରେଟିଭ ପିଟିସନ ଦାଖଲ କରିଛନ୍ତି ।
