ପାଟନା: ଆଗକୁ ବିହାର ବିଧାନସଭା ନିର୍ବାଚନ । ଯାହାକୁ ନଜରରେ ରଖି ନିର୍ବାଚନୀ ଜନସଭାକୁ ସମ୍ବୋଧିତ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଅକ୍ଟୋବର 23 ତାରିଖରେ ମୋଦି ରାଜ୍ୟବାସୀଙ୍କୁ ସମ୍ବୋଧିତ କରିବେ । ସେହିପରି ଅକ୍ଟୋବର 28 ତାରିଖରେ ମୋଦି ପୁଣି 3ଟି ଜନସଭାକୁ ସମ୍ବୋଧନ କରିବାର କାର୍ଯ୍ୟକ୍ରମ ରହିଛି। ଦରଭଙ୍ଗା ବିମାନ ବନ୍ଦ ନିକଟ ମୈଦାନରେ ସକାଳ 11ଟାରେ ଜନସଭା ହେବ । ଆଉ ସେଥିପାଇଁ ମୋଦିଙ୍କ ସୁରକ୍ଷାକୁ ନେଇ ତତ୍ପର ହୋଇ ଉଠିଛି ପାଟନା ପୋଲିସ ।
ମୋଦି ମିଥିଳା ଅଞ୍ଚଳର ଏନଡିଏ ପ୍ରାର୍ଥୀ ସପକ୍ଷରେ ଏକ ସାଧାରଣ ସଭା କରିବେ। ଏଥି ସହିତ ମୁଜାଫରପୁରର ପତାହି ବିମାନବନ୍ଦର ପଡିଆରେ ଦ୍ବିତୀୟ ବୈଠକ ଅନୁଷ୍ଠିତ ହେବ । ଏହି ବୈଠକ ରାତି 12:35 ରେ ଅନୁଷ୍ଠିତ ହେବ। ତୃତୀୟ ବୈଠକ ଅପରାହ୍ନ 2:30 ରେ ପାଟନାର ଭେଟେନାରି କଲେଜ କ୍ୟାମ୍ପସରେ ଅନୁଷ୍ଠିତ ହେବ। ଏଥିପାଇଁ ମଧ୍ୟ ପ୍ରସ୍ତୁତି ଚାଲିଛି।
ଗଇନ୍ଦା ଏଜେନ୍ସିରୁ ମିଳିଥିବା ସୂଚନା ଅନୁଯାୟୀ, ପ୍ରଧାନମନ୍ତ୍ରୀଙ୍କ କାର୍ଯ୍ୟକ୍ରମରେ ନକ୍ସଲ ମାନେ ରହିବାର ସମ୍ଭାବନା ରହିଛି। ଯେଉଁଥିପାଇଁ ବିହାର ପୋଲିସ ମୁଖ୍ୟାଳୟରେ 7 ଆଇପିଏସ ଅଧିକାରୀ ଏବଂ 4 ଜଣ ଡିଏସପି ଙ୍କୁ ନିୟୋଜିତ କରାଯାଇଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
