ହରିୟାଣା: ପଞ୍ଜାବ ଲୁଧିୟାନାର ଥିବା ସେଣ୍ଟ୍ରାଲ ଜେଲରେ ଦୁଇ କଏଦୀ ଗୋଷ୍ଠୀଙ୍କ ମଧ୍ୟରେ ଆତଙ୍କ ଦେଖାଦେଇଛି । ଗୁରୁବାର ଲୁଧିୟାନାର ସେଣ୍ଟ୍ରାଲ ଜେଲରେ ଦୁଇ କଏଦୀ ଗୋଷ୍ଠୀ ମଧ୍ୟରେ ଗଣ୍ଡଗୋଳରେ କିଛି କଏଦୀ ଗୁରୁତର ଆହତ ହୋଇଥିବା ଜଣାପଡିଛି ।
ସୂଚନା ଅନୁଯାୟୀ, ସେଣ୍ଟ୍ରାଲ ଜେଲରେ ଦୁଇ କଏଦୀ ଗୋଷ୍ଠୀଙ୍କ ମଧ୍ୟରେ ପଥର ମାଡ ହୋଇଥିଲା । ଏହି ଘଟଣା ଦେଖି ପୋଲିସ କର୍ମଚାରୀ ସେଠାରେ ପହଞ୍ଚିବା ପରେ କଏଦୀମାନେ ପୋଲିସଙ୍କ ଉପରକୁ ଆକ୍ରମଣ କରିଥିଲେ । ଏହାମଧ୍ୟରେ ଦୁଇ କଏଦୀ ଗୋଷ୍ଠୀଙ୍କ ମଧ୍ୟରେ ଗୁଳି ଚାଳନା ହୋଇଥିଲା ।
ଭିଡିଓ ସୌଜନ୍ୟ:ଇଟିଭି ଭାରତ, ବ୍ୟୁରୋ
ଯାହାଫଳରେ ଜେଲରେ ପରିସ୍ଥିତି ବିଗିଡିବାକୁ ଲାଗିଥିଲା । ତେଣୁ କଏଦୀଙ୍କୁ କାବୁ କରିବା ପାଇଁ ଟିୟର ଗ୍ୟାସ ଛଡାଯାଇଥିଲା । ଏଥିସହ ଆବଶ୍ୟକ ପଡିଲେ କଏଦୀଙ୍କ ଉପରେ ଗୁଳି ଚାଳନା କରିବା ପାଇଁ ମୁଖ୍ୟ ଅଧିକାରୀ ଆଦେଶ ଦେଇଥିଲେ ।
ତେବେ ଏହି ମଉକାର ଫାଇଦା ନେଇ କିଛି କଏଦୀ ଖସିଯିବାକୁ ଚେଷ୍ଟା କରିଥିଲେ ମଧ୍ୟ ତାଙ୍କୁ କାବୁ କରାଯାଇଥିଲା ।
