ପାଟଣା: ମୁଙ୍ଗେର ଜିଲ୍ଲାରେ ଜେଡିୟୁ ପ୍ରାର୍ଥୀଙ୍କ ସମର୍ଥନରେ ଆୟୋଜିତ ସାଧାରଣ ସଭାରେ ଉତ୍ତେଜନା । ସିଏମ ନୀତିଶ କୁମାରଙ୍କ ହେଲିକପ୍ଟର ଅବତରଣ ସମୟରେ ହଠାତ୍ ବିଶୃଙ୍ଖଳା ଦେଖାଦେଇଥିଲା । ବାସ୍ତବରେ, ହେଲିକପ୍ଟର ଅବତରଣ କରିବା ବେଳେ ପ୍ରବଳ ବେଗରେ ପବନ ବହିବାରୁ ସଭା ସ୍ଥଳ ପେଣ୍ଡାଲ୍ ଉଡ଼ି ଯାଇଥିଲା । ଘଟଣାସ୍ଥଳରେ ଉପସ୍ଥିତ ଥିବା ସୁରକ୍ଷା କର୍ମୀ ପରେ ପରିସ୍ଥିତିକୁ ନିୟନ୍ତ୍ରଣ କରିଥିଲେ।
୨୦୨୦ ବିହାର ନିର୍ବାଚନକୁ ନେଇ ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ନିର୍ବାଚନୀ ସଭା ଆରମ୍ଭ ହୋଇ ସାରିଛି । ବୁଧବାର ସିଏମ ନୀତିଶ କୁମାର ମୁଙ୍ଗେର ଜିଲ୍ଲାର ତାରାପୁର ବିଧାନସଭା ଆସନରୁ ଜେଡିୟୁ ପ୍ରାର୍ଥୀ ମେଓ୍ବାଲାଲ ଚୌଧୁରୀଙ୍କ ସପକ୍ଷରେ ନିର୍ବାଚନ ରାଲି କରିବା ପାଇଁ ପହଞ୍ଚିଥିଲେ ।
କିନ୍ତୁ ସଭାସ୍ଥଳର ନିକଟରେ ହୋଇଥିବା ଲ୍ୟାଣ୍ଡିଂ ସ୍ପଟରେ ଯେତେବେଳେ ହେଲିକପ୍ଟର ଓହ୍ଲାଉଥିଲା ସେତେବେଳେ ଏହାର ପଙ୍ଖାର ପବନରେ ସଭାସ୍ଥଳରେ ଲଗାଯାଇଥିବା ପେଣ୍ଡାଲ୍ ଉଡ଼ିଯାଇଥିଲା।
ଯଦିଓ ଘଟଣାସ୍ଥଳରେ ଉପସ୍ଥିତ ଥିବା ପୋଲିସ କୌଣସି ପ୍ରକାରେ ପରିସ୍ଥିତିକୁ କାବୁ କରିବାରେ ସଫଳ ହୋଇଥିଲେ, କିନ୍ତୁ ବିଶୃଙ୍ଖଳା ଦୀର୍ଘ ସମୟ ଧରି ଚାଲିଥିଲା |
