ଶ୍ରୀନଗର: ସୁଧୁରୁନି ପାକ୍। ଘନ ଘନ କରୁଛି ଅସ୍ତ୍ରବିରତୀ ଉଲ୍ଲଙ୍ଘନ । ରବିବାର ପାକ୍ ସୌନ୍ୟମାନେ ଜାମ୍ମୁ କାଶ୍ମୀରର ପୁଞ୍ଚ ଏବଂ ରଜୌରୀ ଜିଲ୍ଲା ଅନ୍ତର୍ଗତ ଏଲଓସିରେ ଥିବା 3ଟି ସେକ୍ଟରରେ ମୋର୍ଟାର ମାଡ କରିଛନ୍ତି । ଏନେଇ ପ୍ରତିରକ୍ଷା ମୁଖପାତ୍ର ସୂଚନା ଦେଇ କହିଛନ୍ତି।
ପୁଞ୍ଚର ଦେୱଘର ଏବଂ ଖରି କରିମାର ସେକ୍ଟର ସୀମାରୁ ଗୁଳି ଚଳାଇବା ଏବଂ ରଜୌରୀର ସୁନ୍ଦରବାନୀରେ ଭାରତୀୟ ସେନା ପକ୍ଷରୁ ଏହାର ପ୍ରତିଶୋଧ ନିଆଯାଇଛି ବୋଲି ସେ କହିଛନ୍ତି । ସନ୍ଧ୍ୟା ପ୍ରାୟ 6.15 ମିନିଟ୍ ସମୟରେ ପାକିସ୍ତାନ ପଟୁ ଛୋଟ ଅସ୍ତ୍ରରେ ଗୁଳି ଏବଂ ଦେୱଘର ସେକ୍ଟରରେ ମୋର୍ଟାର ମାଡ କରି ଅସ୍ତ୍ରବିରତି ଉଲ୍ଲଂଘନ କରିଥିଲା।
ଏହା ପରେ ସନ୍ଧ୍ୟା 6.40 ସମୟରେ ଖରି କରିମାରରେ ଗୁଳି ବିନିମୟ ଏବଂ ଆର୍ଟିଲିରିରେ ଗୁଳି ବିନିମୟ ହୋଇଥିଲା ବୋଲି ମୁଖପାତ୍ର କହିଛନ୍ତି । ପରେ 6.45 ମିନିଟ୍ ସମୟରେ ପାକିସ୍ତାନୀ ସୈନ୍ୟମାନେ ରଜୌରୀ ଜିଲ୍ଲାର ସୁନ୍ଦରବାନୀ ସେକ୍ଟରରେ ଏଲଓସି କୂଳରେ ଥିବା ଅଞ୍ଚଳକୁ ଟାର୍ଗେଟ କରିଥିଲେ ବୋଲି ସେ କହିଛନ୍ତି। ଏବେ ସୁଦ୍ଧା ଏହି ତିନୋଟି ସେକ୍ଟରରେ ସୀମା ଗୁଳି ବିନିମୟ ଚାଲିଥିବା ସେ କହିଛନ୍ତି । ଶନିବାର ଦିନ ପୁଞ୍ଚର ମେଘର ସେକ୍ଟରରେ ପାକିସ୍ତାନୀ ଗୁଳିରେ ଦୁଇଜଣ ବିଏସଏଫ କର୍ମଚାରୀ ଆହତ ହୋଇଛନ୍ତି ।
ସରକାରୀ ସୂତ୍ର ଅନୁଯାୟୀ, 2019ରେ 3,168 ତୁଳନାରେ ଚଳିତ ବର୍ଷ ଅକ୍ଟୋବର 6 ପର୍ଯ୍ୟନ୍ତ ପାକିସ୍ତାନ ଦ୍ବାରା 3,589 ଅସ୍ତ୍ରବିରତି ଉଲ୍ଲଘଂନ କରାଯାଇଛି। ସେପ୍ଟେମ୍ବର ମାସରେ ସର୍ବାଧିକ 427 ଅସ୍ତ୍ରବିରତି ଉଲ୍ଲଙ୍ଘନ ହୋଇଥିଲା। ଏହା ପରେ ମାର୍ଚ୍ଚରେ 411 ଏବଂ ଅଗଷ୍ଟରେ 408, ସେମାନେ କହିଛନ୍ତି ଯେ, ଜୁଲାଇରେ 398 ଅସ୍ତ୍ରବିରତି ଉଲ୍ଲଙ୍ଘନ, ଜୁନ୍ ଏବଂ ଏପ୍ରିଲ୍ (ପ୍ରତ୍ୟେକ 387), ମେ (382), ଫେବୃଆରୀ (366) ଏବଂ ଜାନୁଆରୀ (367) |
