ନୂଆଦିଲ୍ଲୀ: ହିଂସା ପ୍ରଭାବିତ ଉତ୍ତର-ପୂର୍ବ ଦିଲ୍ଲୀରେ ହୋଇଥିବା ଦଶମ ଶ୍ରେଣୀ ବୋର୍ଡ ପରୀକ୍ଷାରେ 97% ରୁ ଅଧିକ ଉପସ୍ଥାନ ରେକର୍ଡ କରାଯାଇଛି । ଏ ନେଇ ସୂଚନା ଦେଇଛି କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସଇ) । ବୁଧବାର ବିଜ୍ଞାନ ପରୀକ୍ଷା ଥିଲା । ତେବେ ଦଶମ ଶ୍ରେଣୀ ବିଜ୍ଞାନ ପରୀକ୍ଷା ସଫଳତାର ସହ କରାଯାଇଥିବା ସିବିଏସଇ ବୋର୍ଡ ଅଧିକାରୀ କହିଛନ୍ତି । ଉତ୍ତର-ପୂର୍ବ ଦିଲ୍ଲୀରେ ମୋଟ 95 ଟି କେନ୍ଦ୍ରରେ 97.8% ଛାତ୍ରଛାତ୍ରୀ ପରୀକ୍ଷା ଦେଇଛନ୍ତି ।
ପରୀକ୍ଷାରେ ବିଳମ୍ବ ଛାତ୍ରଛାତ୍ରୀଙ୍କ ମେଡିକାଲ ଏବଂ ଇଞ୍ଜିନିୟରିଂ ଭଳି ବୃତ୍ତିଗତ ପାଠ୍ୟକ୍ରମରେ ଆଡମିସନ କରିବାରେ ବାଧା ସୃଷ୍ଟି କରିପାରେ । ସେଥିପାଇଁ ଯେଉଁ ଛାତ୍ରଛାତ୍ରୀ ପରୀକ୍ଷା ଦେଇପାରି ନାହାଁନ୍ତି, ସେମାନଙ୍କ ପାଇଁ ଶୀଘ୍ର ସପ୍ଲିମେଣ୍ଟାରୀ ପରୀକ୍ଷା ହେବ ବୋଲି ସିବିଏସଇ ପକ୍ଷରୁ କୁହାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
