ଜୟପୁର: ରାଜସ୍ଥାନ ରାଜଧାନୀ ଜୟପୁରରେ ପୁଣି ଜଣେ କୋରୋନା ରୋଗୀ ଚିହ୍ନଟ । ଏହି ଚିହ୍ନଟ ପରେ ରାଜ୍ୟରେ କୋରୋନା ଭାଇରସ ପଜେଟିଭ ସଂଖ୍ୟା 3କୁ ବୃଦ୍ଧି ପାଇଛି । ନିକଟରେ ଦୁବାଇରୁ ଫେରିଥିବା ଜଣେ ବ୍ୟକ୍ତିଙ୍କ କୋରୋନା ଟେଷ୍ଟ ହୋଇଥିଲା । ଯେଉଁଥିରେ ତାଙ୍କ ରିପୋର୍ଟ ପଜିଟିଭ ଆସିଛି ।
କୋରୋନା ସଂକ୍ରମିତ ବ୍ୟକ୍ତି ଜଣଙ୍କୁ ଜୟପୁରର ସାୱାଇ ମାନସିଂହ ହସ୍ପିଟାଲରେ ଭର୍ତ୍ତି କରାଯାଇଛି । ତାଙ୍କୁ ଏବେ ହସ୍ପିଟାଲର ଆଇସୋଲେସନ ୱାର୍ଡରେ ରଖାଯାଇ ଚିକିତ୍ସା କରାଯାଉଛି । ଏନେଇ ସ୍ବାସ୍ଥ୍ୟ ବିଭାଗର ଏସିଏସ୍ ରୋହିତ ସିଂ କହିଛନ୍ତି ଯେ, ଜଣେ 85 ବୟସ୍କା ବୃଦ୍ଧ ଫେବୃଆରୀ 28 ରେ ଦୁବାଇରୁ ଫେରିଥିଲେ । ଆଉ ଏହାର କିଛିଦିନ ପରେ ତାଙ୍କଠାରେ କୋରୋନା ଭାଇରସର ଲକ୍ଷଣ ଦେଖାଯିବା ଆରମ୍ଭ ହୋଇଥିଲା ।
ଡାକ୍ତରଖାନାରେ ଭର୍ତ୍ତି ହେବା ପରେ ରୋଗୀର ରକ୍ତ ନମୁନା ପରୀକ୍ଷା ପାଇଁ ପଠାଯାଇଥିଲା । ଯେଉଁଠାରେ ସେ କୋରୋନା ପଜିଟିଭ ବାହାରିଛି । ବ୍ୟକ୍ତି ଜଣକ ରିପୋର୍ଟ ପଜେଟିଭ ବାହାରିବା ପରେ ତାଙ୍କ ପତ୍ନୀ, ଓ ପୁଅର ମଧ୍ୟ କୋରୋନା ଟେଷ୍ଟ କରାଯିବ ବୋଲି ସ୍ବାସ୍ଥ୍ୟ ବିଭାଗ ପକ୍ଷରୁ ସ୍ପଷ୍ଟ କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
