ପାଟନା: ଚାରା ଦୁର୍ନୀତି ମାମଲାରେ ଆଉ ଏକ ନୂଆ ଟ୍ବିଷ୍ଟ । 5 ବର୍ଷରେ ଭିତରେ କେବଳ ମଇଁଷି ସିଙ୍ଗ ମାଲିସ ପାଇଁ ଖର୍ଚ୍ଚ ହୋଇଛି 16 ଲକ୍ଷ । ଏପରି ଭାବେ ପାଣି ଭଳି ଲାଲୁ ସରକାର ଉଡାଇଥିଲେ ଟଙ୍କା । ବିଧାନସଭାରେ ବ୍ୟୟ ବିଲ ଉପସ୍ଥାପନ ବେଳେ ଉପମୁଖ୍ୟମନ୍ତ୍ରୀ ସୁଶୀଲ କୁମାର ମୋଦି ଏନେଇ ଖୁଲାସା କରିଛନ୍ତି ।
ରିପୋର୍ଟ ଅନୁଯାୟୀ 1990-91ରୁ 1995-96 ପର୍ଯ୍ୟନ୍ତ ମୋଟ 16 ଲକ୍ଷ ଟଙ୍କାର 49,950 ସୋରିଷ ତେଲ କିଣାଯାଇଛି । ଏହା ପରେ ବହୁ ଉପରିସ୍ଥ ଅଧିକାରୀଙ୍କ ସହଯୋଗରେ ଏକ ନକଲି ବିଲ ପ୍ରସ୍ତୁତ କରାଯାଇଥିଲା । ଏ ତଥ୍ୟ ଦେବା ସହ ଉପମୁଖ୍ୟମନ୍ତ୍ରୀ କହିଛନ୍ତି ଯେ, ସରକାର ଦ୍ବାରା ବଳକା କିମ୍ବା ନିଅଣ୍ଟ ବ୍ୟୟକୁ ବଜେଟ ମାଧ୍ୟମରେ ନିଆଯାଇଥାଏ । ହେଲେ ଲାଲୁ ପ୍ରସାଦ ଯାଦବଙ୍କ ଅଧିନସ୍ଥ ତତକାଳୀନ ସରକାର ଏହାର ପାଳନ କରିନଥିଲେ । ବରଂ ନକଲି ବିଲ ଜରିଆରେ ଜନତାଙ୍କ ଧନ ହଡପ କରି ଟଙ୍କା ଆତ୍ମସାତ କରିଥିଲେ ।
