ଭୁବନେଶ୍ବର: ଭାରତର ପପୁଲାର ଟିଭି ଶୋ’ ମାଷ୍ଟର ସେଫ୍’ରେ ଓଡିଆ ପୁଅ ଅବିନାଶ ନାୟକଙ୍କ କମାଲ୍ । ସମସ୍ତ ପ୍ରତିଯୋଗୀଙ୍କୁ ପଛରେ ପକାଇ ହାତେଇଲେ ମାଷ୍ଟର ସେଫ୍’ ସିଜିନ୍-6ର ତାଜ୍ । ମାଷ୍ଟର ସେଫ୍ର ଚାଲିଥିବା ସିଜିନ୍-6ରେ ସେ ବିଜୟୀ ହୋଇ ରାଜ୍ୟ ପାଇଁ ଆଣିଦେଇଛନ୍ତି ଗର୍ବ ଗୌରବ ।
ଫାଇନାଲ ରାଉଣ୍ଡରେ ଅବିନାଶ ନିଜର ନିକଟତମ ପ୍ରତିନ୍ଦ୍ବନ୍ଦି ଔଣ୍ଡ୍ରିଲା ବାଲାଙ୍କୁ ହରାଇ ବିଜୟୀ ହୋଇଛନ୍ତି । ପ୍ରଥମରୁ ହିଁ ମାଷ୍ଟର ସେଫ୍ରେ କମାଲ କରିଥିଲେ ଅବିନାଶ । ଓଡିଆ ଖାଦ୍ୟ ଚିକେନ୍ ବେସର କରି ଜର୍ଜଙ୍କ ମନକୁ ଛୁଇଁ ପାରିଥିଲେ ।
ତେବେ ପ୍ରଥମ ଓଡିଆ ଭାବେ ଅବିନାଶ ହାତେଇଛନ୍ତି ମାଷ୍ଟରସେଫ ତାଜ୍ । ବ୍ରହ୍ମପୁରର ପୁଅ ଅବିନାଶ ପେଶାରେ ଜଣେ ଇଞ୍ଜିନିୟର । ଭୁବନେଶ୍ବରରେ ଶିକ୍ଷା ସମାପନ କରିବା ପରେ ହାଇଦ୍ରାବାଦରେ ଇଞ୍ଜିନିୟର ଭାବେ କାମ କରୁଛନ୍ତି ।
ମୁମ୍ବାଇରେ ଆୟୋଜିତ ମାଷ୍ଟର ସେଫ୍ ସିଜିନ୍-6 ଗ୍ରାଣ୍ଡ ଫାଇନାଲରେ ମୁଖ୍ୟ ଅତିଥି ଭାବେ ରିପୁ ଦାମନ ହଣ୍ଡା, ବରୁଣ ଶର୍ମା ଭାବେ ଉପସ୍ଥିତ ଥିଲେ । ଏଥିରେ ଅବିନାଶଙ୍କୁ 25ଲକ୍ଷ ଟଙ୍କାର ପୁରସ୍କାର ରାଶି ମିଳିଛି ।
